2019 елда Казан марафонында катнашучылар яңа маршрут буенча узачаклар

Трасса бер әйләнешкә узачак һәм шәһәрнең төп истәлекле урыннарын үз эченә алачак.

(Казан шәһәре KZN.RU, 10-нчы гыйнвар). 2019 елда 4-5 майда Татарстан башкаласында узачак Казан марафонында катнашучылар яңа маршрут буенча йөгереп үтәчәкләр.

Йөгерүләргә старт Үзәк стадион янында биреләчәк. Марафон трассасы бер әйләнешкә узачак һәм шәһәрнең төп истәлекле урыннарын – Иске Татар бистәсе, Казан Кремле, Кремль яр буе, күп санлы спорт объектлары - Баскет-холл, 2Татнефть-Арена", "Казан Арена", Су спорт төрләре сарае һәм башкалар үз эченә алачак. Марафонда катнашучылар Кремль һәм Киров дамбалары, "Миллениум" күпере буйлап узачаклар. Төп таләп - барлык 42,2 км дәвамында иң аз биеклек җыелмасы 100 метрдан артмаска тиеш, дип хәбәр ителә ТР Спорт министрлыгы сайтында.

Исегезгә төшерәбез, бу исәбе буенча бишенче Казан марафоны булачак. Йөгерештә катнашу өчен теләгән һәркем гариза бирә ала. Катнашучылар 4 дистанциянең берсен сайлый алалар. 3 км га йөгерү 4 майга планлаштырылган. Төп стартлар - 10 км, 21,1 км һәм 42,2 км - 5 майда узачак. Шулай ук Казан Марафоны кысаларында 600 метрга балалар узышы узачак.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар