Казанда көчле респиратор-вирус инфекциясе белән авыручылар саны дәрәҗәсе эпидемия бусагасыннан 11,9%-ка түбәнрәк

Узган атнада шәһәрдә вирус инфекцияләре белән авыруның 3209 очрагы теркәлгән.

(Казан шәһәре KZN.RU, 2-нче июль). Казанда көчле респиратор вирус инфекцияләре белән авыручылар санының дәрәҗәсе эпидемик бусагадан 11,9%-ка түбәнрәк. Узган атнада, 24-нче июньнән 30-нчы июньгә кадәр, шәһәрдә 3209 көчле респиратор вирус инфекцияләре белән авыру очрагы теркәлгән.

Казанда көчле респиратор вирус инфекцияләре белән авыручылар саны 10 мең кешегә 25,9 тәшкил иткән.

Тулаем Татарстан буенча атна эчендә көчле респиратор вирус инфекцияләре белән авыруның 6422 очрагы теркәлгән, бу күрсәткеч 10 мең кешегә 17,2 тәшкил итә. Республика буенча көчле респиратор вирус инфекцияләре белән авыручылар санының дәрәҗәсе эпидемик бусагадан 10,1%-ка түбәнрәк, дип хәбәр итә Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР буенча идарәсе.

Шулай ук укыгыз

Барлык яңалыклар