Рамазан-2023: уразаның төп кагыйдәләре турында белешмә

Рамазан-2023: уразаның төп кагыйдәләре турында белешмә

<p> </p> <div class="detail-picture"> <img src="https://kzn.ru/upload/iblock/3e4/3e47a9db6ea999308c05eda43ae36f1b.jpg"> <p class="detail-picture__caption"> Фото: Денис Гордийко </p> </div> <span style="color: #3d3d3d;">(Казан шәһәре KZN.RU, 22 нче март). Бүген кояш баегач, мөселманнар өчен <a target="_blank" href="https://kzn.ru/meriya/press-tsentr/novosti/ramazan-2023-respublikanskiy-iftar-putevka-v-khadzh-i-marafon-dobrykh-del/">изге Рамазан ае</a> башланачак, ул быел 29 көн дәвам итәчәк. Уразаның соңгы көне 20 нче апрельдә була, ә Ураза гаете 21 нче апрельгә туры килә. KZN.RU порталы уразаны ничек дөрес тотарга, нинди чирләр вакытында ашау чикләүләреннән тыелырга кирәклеге һәм ифтарлар кайда узачагы турында белешмә әзерләде.</span> <p> </p> <h3> <span style="color: #3d3d3d;">Беренче таравих намазы кайчан укылачак?</span> </h3> <p> <span style="color: #3d3d3d;">Беренче тәравих-намаз 22 нче мартта ястү намазыннан соң укылачак. Татарстан мәчетләрендә тәравих-намаз 20 рәкәгатьтә укыла.</span> </p> <h3> <span style="color: #3d3d3d;">Сәхәр һәм ифтар нәрсә ул?</span> </h3> <p> <span style="color: #3d3d3d;">Ураза тотарга уйлаучылар өчен берничә төп төшенчәне белергә кирәк. Сәхәр – таң алдыннан ашау вакыты. Ифтар – кояш тулысынча офык артында яшеренгәннән соң, тәүлекнең якты вакыты тәмамланганнан соң ашау. Аннары ахшам намазы вакыты җитә, азан әйтелә, авыз ачалар, гыйбадәт кылалар.</span> </p> <h3> <span style="color: #3d3d3d;">Ифтарлар кайда узачак?</span> </h3> <p> <span style="color: #3d3d3d;">Казанда ифтарлар <a target="_blank" href="https://dumrt.ru/ru/news/news_29002.html">42 мәчеттә</a> узачак, аларга теләгән һәркем бара ала. Моннан тыш, кайбер мәчетләр коронавирус пандемиясе чорында башланган традицияне дәвам итәчәк һәм ифтар-бокслар таратуны оештырачак. Ифтарларны үз исемеңнән дә оештырырга мөмкин, моның өчен мәчет имамнарына мөрәҗәгать итәргә кирәк.</span> </p> <p> <span style="color: #3d3d3d;">Шулай ук «Казан Экспо» халыкара күргәзмә үзәгендә <a target="_blank" href="https://kzn.ru/meriya/press-tsentr/novosti/dum-rt-provodit-nabor-volonterov-na-xi-respublikanskiy-iftar/">XI Республика ифтар</a>ы узачак, анда 11 мең кеше катнашыр дип көтелә.</span> </p> <h3> <span style="color: #3d3d3d;">Кайсы ризыктан баш тартырга киңәш ителә?</span> </h3> <p> <span style="color: #3d3d3d;">Ашаганда организмга нык авырлык тудырырга һәм артык ашарга кирәкми – бу үзеңне начаррак хис итәргә һәм сусау тудырырга мөмкин. Ашказаны-эчәк тракты эшенә тискәре йогынты ясый торган татлы, онлы әйберләрдән баш тартырга киңәш ителә. Фастфуд, ачы, майлы һәм артык тозлы ризыклардан да тыелырга кирәк.</span> </p> <p> <span style="color: #3d3d3d;">Ашар алдыннан су эчәргә оынтмагыз. Сәхәр вакытында сөт продуктлары, җиңел иртәнге ашларга өстенлек бирергә кирәк. Ахшам намазы алдыннан ураза тотучы кеше гадәттә йөзем җимеше ашый һәм су эчә. Аннары ул 15-20 минут дәвамында намаз укый. Бу вакыт эчендә организм ашарга әзерләнә – салатлар һәм җиңел шулпалардан башларга киңәш ителә. Гадәттә, ураза тотучыга ашарга рөхсәт ителә торган 6-7 сәгать бар, әлеге вакытны өч тапкыр ашау өчен бүләргә кирәк.</span> </p> <h3> <span style="color: #3d3d3d;">Каршы күрсәтмәләр бармы?</span> </h3> <p> <span style="color: #3d3d3d;">1 нче типлы шикәр диабеты булган кешеләргә ураза тоту тыела, чөнки алар инсулинга бәйле һәм аларга препаратлар кулланудан баш тартырга ярамый. Йөрәк-кан тамырлары системасы авырулары, гипертония авырулары, кан басымы күтәрелү яки ашказаны җәрәхәте булган кешеләргә ураза тоту киңәш ителми.</span> </p> <p> <span style="color: #3d3d3d;">ОРВИ билгеләре барлыкка килгәч, ураза тотучы берничә көнгә дәвалану өчен тәнәфес ала ала. Башка вакытта ул бу көннәр өчен каза кыла ала. Гомумән алганда, нинди дә булса авыруның кискенләшүе каршы күрсәтмә булырга мөмкин, әмма ислам кануннары буенча, уразаны елның теләсә кайсы башка вакытында, сәламәтлек рөхсәт ителгәндә тотарга рөхсәт ителә.</span> </p> <h3> <span style="color: #3d3d3d;">Быел фитыр-сәдаканың зурлыгы нинди?</span> </h3> <p> <span style="color: #3d3d3d;">ТР мөселманнары Диния нәзарәтенең Голәмәләр шурасы һәм Казыйлар шурасы карары белән 2023 елда зәкят түләү өчен 454 мең сум (алтын буенча), фитыр-сәдака өчен 41 мең сум (көмеш буенча) күләмендә нисаб билгеләнгән. Арпа буенча исәпләгәндә, фитыр-сәдаканың күләме 150 сум, йөзем буенча 800 сум тәшкил итә. Сәламәтлекләре буенча ураза тота алмаучылар һәм аны башка вакытка күчерә алмаучылар өчен һәр ураза көне өчен 350 сум күләмендә фидия билгеләнгән.</span> </p>

2023-03-22T15:49:16+0300