В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
12.12.2025, 12:09
Гәүдә торышын яхшырту күнегүләре һәм медитация: казанлыларны Кече зәңгәр күлдә бушлай чараларга чакыралар
Катнашу өчен алдан теркәлергә кирәк
Денис Гордийко фотосы
Бу якшәмбедә, 14 декабрь көнне, Кече Зәңгәр күлдә сулыш алу күнекмәсе буенча дәресләр, шулай ук Тибет чынаягын кулланып медитация үткәрәчәкләр.
Әйтик, 10:00 сәгатьтә теләге булган һәр кеше тән-сулыш һәм медитация практикасы укытучысы Зилә Рәфыйкова дәресенә килә ала. Очрашуда шәһәр халкы тәҗрибәле белгеч белән бергә арка мускулларын ныгыту һәм гәүдә торышын яхшырту күнегүләрен башкарачак. Чарада катнашу өчен сылтама буенча теркәлергә кирәк.
Казан халкы 13:00 сәгатьтә сулыш алу күнекмәсенә – тынычландыра торган авазлар чыгаручы Тибет чынаяклары белән медитациягә килә ала. Дәрес киеренкелекне бетерергә, хис-кичерешләрне көйләргә, эчке тынычлыкны табарга һәм энергетик гармонияне торгызырга ярдәм итәчәк. Аны тавыш терапевты Зоя Романова үткәрә. Теләге булган һәр кешенең сылтама буенча теркәлүе мөһим, дип хәбәр итә Зәңгәр күл матбугат хезмәте.
Оештыручылар дәресләр өчен махсус җәймә, плед, уңайлы кием, башмаклар, җылы оекбашлар, термоска салынган кайнар чәй яки кофе алып килергә киңәш итә.
Шулай ук укыгыз
-
13.12.2025, 14:05 -
13.12.2025, 09:30 -
12.12.2025, 16:26 -
12.12.2025, 16:08