Казанда «Сүзләр һәм музыка» уникаль проекты тәмамлана

Казанда «Сүзләр һәм музыка» уникаль проекты тәмамлана

<p> (Казан шәһәре KZN.RU, 31-нче май). Казанда «Сүзләр һәм музыка» уникаль проекты тәмамлана. 2-нче июньдә финал һәм гала-концерт узачак, чарада мелодекламация жанрындагы иң яхшы артистлар чыгыш ясаячак. </p> <p> Проектның җиңүчесе исеменә алдагы өч тур лидерлары дәгъва итә: Юлия Рахманюк, Камилә Латыйпова һәм Андрей Кондаков. Хәзер аларга яңадан сәхнәгә чыгарга, шигырь язарга һәм аларны музыка астында уку буенча көчләрен күрсәтергә кирәк булачак. </p> <p> Әдәби баттл Аксенов исемендәге скверда 18.00 сәгатьтә узачак, дип хәбәр итәләр «Штаб» креатив индустрияләр резиденциясендә. </p> <p> Исегезгә төшерәбез, «Сүзләр һәм музыка» проекты 2019 елның <a href="https://www.kzn.ru/meriya/press-tsentr/novosti/v-kazanskikh-parkakh-proydut-muzykalno-poeticheskie-battly-slova-i-muzyka/" target="_blank">апрель ахырында старт алды</a>. Ул хәзерге заман шәһәр яшьләре образын формалаштырырга һәм рус-татар шагыйрьләре арасында популярлыкны кире кайтарырга ярдәм итә. Моннан тыш, чаралар циклы шәһәр паркларында һәм скверларында төрле активлыкны күрсәтергә һәм мелодекламация жанрына кызыксыну уятырга тиеш. </p> <p> Җәмәгать киңлекләрендә ачылган мәйданчыкларда хәзерге заман шагыйрьләренең рус һәм татар телләрендә башкарган әсәрләрен инде мең ярымнан артык кеше, Казан кунаклары ишетте һәм бәяли алды. </p> <p> Проектны оештыручылар – «Штаб» креатив индустрияләр резиденциясе, Казанның Парклар һәм скверлар дирекциясе һәм башкалар. </p>

2019-05-31T09:46:39+0300