Урам спектакльләре һәм яшьләр концерты: 6 нчы гыйнвар көнне ТР башкаласы халкы һәм кунаклары өчен ниләр оештырыла

Шәһәрдә бушлай бәйрәм чаралары сериясе дәвам итә.

Фото: Денис Гордийко

(Казан шәһәре KZN.RU, 6 нчы гыйнвар). Казанда бушлай бәйрәм чаралары сериясе дәвам итә. Бүген шәһәр халкы һәм кунаклары өчен урам спектакльләре, мастер-класслар һәм яшьләр концерты әзерләделәр.

«Черек күл» паркындагы шугалакта 14:00 сәгатьтә балалар өчен фигуралы шуу буенча дәрес башлана. Ә 15:00 сәгатьтә Салават күперендәге паркта «Порция сливочного» мастер-классы узачак.

16:00 сәгатьтә төзелеш тармагының 100 еллыгы скверында тамашачыларга «Кыш Бабай кәефе» урам спектаклен күрсәтәчәкләр. Шул ук вакытта Химиклар урамы, 15 адресы буенча урнашкан «Юность» мәдәният сараенда «Могҗизалар чемоданы» урам спектакле куелачак.

16:30 сәгатьтә Горки-Әмәт урманында яшьләр концерты башланачак. «Манго Буст» һәм «неет, ты что» төркемнәре программаның хедлайнерлары булачак. ТР башкаласы халкы һәм кунаклары алдында шулай ук Dj Solman чыгыш ясаячак.

Казанның җәмәгать киңлекләрендә бәйрәм программасы гыйнвар уртасына кадәр дәвам итәчәк. Барлыгы 100 дән артык бушлай кышкы чаралар каралган. Булачак вакыйгалар, шугалак һәм чаңгы трассалары, шулай ук пиротехниканы куллану мәйданчыклары турында KZN.RU порталындагы махсус бүлектә белергә була.

Шулай ук укыгыз

Барлык яңалыклар