Яңалыклар
14.06.2019, 14:08
Казан уикенды: Red Bull Air Race, «Смена» китап фестивале һәм Йога көне
Киләсе уикенд кызыклы һәм бай чаралар программасы тәкъдим итә.
(Казан шәһәре KZN.RU, 14-нче июнь). Казанда чираттагы дүрт көнлек эш атнасы тәмамлана. Киләсе уикенд кызыклы һәм бай булырга охшаган. Шәһәрлеләр һәм туристлар Red Bull Air Race авиаузышын карый, киң колачлы һәм инде яратып өлгергән «Смена» китап фестиваленә бара, шулай ук Горький паркындагы Халыкара йога көнендә катнаша алачак.
Җиңү паркында йога
15-нче июнь, 13.00 сәгатьтә
Барлык теләүчеләрне 15-нче июнь көнне 13.00 сәгатьтә Җиңү паркына йога дәресләренә чакыралар. Ачык дәрестә барлык теләүчеләрне асанага, сулыш техникасына һәм медитацияләргә өйрәтәчәкләр. Шулай ук ачык дәрестә катнашучылар йога тәҗрибәсе буенча үзләрен кызыксындырган сорауларны да бирә алачак. Өскә спорт формасын киеп килергә, үзең белән келәм алырга кирәк.
Ирландия биюләре буенча мастер-класслар
15-нче июнь, 15.30 һәм 18.30 сәгатьләрдә
Казанда Ирландия биюләре буенча бушлай мастер-класслар узачак. Дәресләрдә шәһәр халкы дөньякүләм танылган Riverdance бию тамашасының серләрен белә һәм база хәрәкәтләрен үзләштерә ала. Дәресләр 15.30 сәгатьтә Урицкий исемендәге паркта һәм 18.30 сәгатьтә Горки-Әмәт урманында башлана.
«Духов день в Суконной слободе»
16-нчы июнь, 6.00 сәгатьтән
16-17 июнь көннәрендә Казанда «Духов день в Суконной слободе» дигән IV православие шәһәр фестивале узачак, чара Изге Рух иңү сарай чиркәве бәйрәменең һәм Троица бәйрәменең халык һәм рухи мәдәниятен берләштерә.
Бәйрәм ике мәйданчыкта узачак: Изге Рух иңү сарай чиркәве территориясендә һәм «Әкият» курчак театры янындагы «Чәчәк фестивале» мәйданчыгында. Бәйрәм Казан һәм Татарстан митрополиты Феофан фатихасы буенча уздырыла.
Традиция буенча фестиваль программасы бик күп активлыкны үз эченә ала: тарихи урында «Суконка» ярминкәсе, халык һөнәрләре буенча мастер-класслар, уникаль «Балалар патшалыгы» эше һәм «Казачий городок» тематик зонасы.
Музыка программасы кысаларында фестивальнең беренче көнендә 16-нчы июньдә Россия этномузыкантлары белән гала-концерт оештырылачак. Алар арасында түбәндәгеләр булачак: Folk Fiction (Казан), «Возвращение» (Мәскәү), Таисия Краснопевцева (Мәскәү), Странніки (Пенза), ТЕСТО (Санкт-Петербург). Икенче бәйрәм көне «Древнерусский распев» хорыннан (Мәскәү) рухи музыка концерты белән тәмамланачак. Шулай ук бәйрәм кысаларында православие һәм фольклор коллективлары концерты, гармуннар астында биюләр белән яшьләр кичәсе узачак.
2019 елда «Духов день в Суконной слободе» бәйрәменең тулы мәдәни һәм музыкаль программасы фестиваль сайтында, социаль челтәрләрдәге бәйрәмнең рәсми төркемнәрендә бар.
Халыкара йога көне
16-нчы июнь, 10.00 сәгатьтә
Горький паркында инде бишенче тапкыр Халыкара йога көне узачак. Паркның зур аланында төрле яшьтәге һәм төрле әзерлек дәрәҗәләре булган йога сөючеләр җыелачак. Алар өчен шәһәр студияләре һәм мәктәпләренең профессиональ тренерларыннан спорт бәйрәме программасы уздырылачак.
Бәйрәм программасында - барлык теләүчеләр өчен йога, балалар йогасы һәм өлкән буын вәкилләре өчен йога (50+). Шулай ук паркка килүчеләр «Урваши» Һиндстан бию коллективы һәм «Сантош» студиясе чыгышларын да күрәчәк, Һиндстан биюләре буенча мастер-класста, конкурсларда һәм фотосессияләрдә катнашачаклар.
Мульт-көн
16-нчы июнь, 11.00 сәгатьтә
«Кырлай» аттракционнары паркындагы мульт-көндә шәһәрлеләрне танылган мультфильмнарның яраткан, матур һәм яхшы персонажлары көтә. Бәйрәм программасына интерактив «Три кота» курчак спектакле, мультфильм булдыру буенча мастер-класс, мульткүргәзмә, крио-тамаша һәм шарлар тамашасы, кремистика-ноликада уйнау, шулай ук күп кенә сюрпризлар кергән.
Кремль яр буендагы актив уикенд
15-нче июнь, 8.00 сәгатьтән һәм 16-нчы июнь, 18.00 сәгатьтән
Һәр атна саен Кремль яр буенда шәһәр халкын яңа һәм инде яратып өлгергән активлык көтә. Шимбә көнне 15-нче июньдә 8.00 сәгатьтә пирста йога буенча дәрес узачак, сылтама буенча алдан язылу кирәк. 11.00 сәгатьтә воркаут-мәйданда кроссфит-тренировка үтә. Кич белән воркаут-мәйданчык биюгә әйләнәчәк: 18.00 сәгатьтә биредә - West Coast Swing, ә 20.00 сальса һәм бачата буенча дәрес булачак.
Якшәмбе кич белән яр буе янә бию атмосферасына чумачак. 18.00 сәгатьтә воркаут-мәйданчыкта хастл дәресе башлана, 19.00 сәгатьтә сәнгать аллеясында барлык теләүчеләргә – линди-хоп биергә, ә 20.00 сәгатьтә пирста танго биергә өйрәтәчәкләр.
Red Bull Air Race авиаузышлары буенча дөнья чемпионаты этабы
15-нче һәм 16-нчы июнь, 10.00 сәгатьтә
Казанда өченче тапкыр Red Bull Air Race авиаузышлары буенча дөнья чемпионаты этабы узачак. Master класс пилотларының 14 командасы һәм Challenger классының 12 пилотына кадәр үз тизлек, төгәллек һәм югары маневрлы очкычларда идарә итү осталыгында ярышачаклар.
Очышларның мавыктыргыч рухын «Казан» гаилә үзәге янындагы мәйданчыкта узачак Red Bull Air Race күңел ачу паркыннан күзәтергә мөмкин булачак. Билетлар турында тулырак мәгълүматны сылтама буенча табарга була.
Исегезгә төшерәбез, Казанда авиаузышлар белән бәйле рәвештә 14-16 июньдә Сибгат Хәким һәм Бондаренко урамнарында транспорт хәрәкәте чикләнәчәк. 15-нче һәм 16-нчы июньдә Декабристлар урамы һәм Әмирхан проспекты участокларында җәяүлеләр өчен йөрү чикләнә.
«Смена» китап фестивале
15-нче һәм 16-нчы июнь, 11.00 сәгатьтән
15-нче һәм 16-нчы июньдә Казанның «Черек күл» паркында «Смена» заманча мәдәният үзәгенең унберенче китап фестивале узачак. Илнең иң зур әдәби фестивальләренең берсендә әдәби яңалыклар белән танышырга, кызыклы лекцияләр тыңларга һәм китап алырга мөмкин булачак.
Җәйгә укыр өчен китапларны 80 нәшрият тәкъдим итәчәк. Ярминкәдән тыш «Смена» фестивале масштаблы белем бирү программасы да булып тора: биредә лекцияләр, дискуссияләр, иҗади очрашулар узачак. Чарада илебез һәм дөнья мәдәниятендә, гуманитар фәннәрдә һәм әдәби дөньяда барган иң якты вакыйгалар һәм актуаль процесслар турында фикер алышачаклар. Шунысы игътибарга лаек, программага бөтен гаилә өчен дә чаралар – балалар һәм аларның әти-әниләре өчен махсус белем бирү мастер-класслары кертелгән.
Бу елда фестивальдә Швеция иле махсус кунак булды. Кунаклар бу ил һәм аның мәдәнияте белән лекцияләр һәм дискуссияләрдә катнашачак язучылар ярдәмендә якыннан таныша алачаклар. Шунысын да билгеләп үтәргә кирәк, фестивальгә керү бушлай.
Shorts 2019 бөтендөнья фестивале кинокуелышлары
15-нче һәм 16-нчы июнь, 18.10 сәгатьтә
В.И.Ленин исемендәге мәдәни-ял итү комплексында казанлыларга Shnit Shorts 2019 бөтендөнья фестиваленең яңа ике программасы тәкъдим ителәчәк. Уен киносы һәм анимация жанрларындагы фильмнар оригинал телдә рус субтитрлары белән күрсәтеләчәк.
Тамашачылар 8 картина карый алачак: «Антилопа», «Полярность», «Катерина», «Хватит», «Взять кролика», «Гибриды», «Сладкая история», «Недочеловек». Хронометраж 89 минут тәшкил итәчәк. Сеансларга 16 яшьтән өлкәнрәк тамашачылар килә ала.
Шулай ук укыгыз
-
01.05.2025, 13:18 -
01.05.2025, 11:24 -
01.05.2025, 09:04 -
30.04.2025, 15:45
