Яңалыклар
05.04.2019, 16:18
Казан Уикенды: «Киртәләрсез кино», Сәламәтлек көне һәм «Кеше портреты»
Үзең өчен идеаль вариантны KZN.RU порталының атналык афишасыннан табарга мөмкин.
(Казан шәһәре KZN.RU, 5-нче апрель). Эш атнасы ахырына якынлаша, һәм казанлыларның күбесе ял көннәрен планлаштыра башлагандыр инде. Һава торышының көйсезлегенә карамастан, урамда яз һавасы сизелә. Киләсе ялларда шәһәрнең иҗтимагый киңлекләрендә Сәламәтлек көнен билгеләп үтәчәкләр. Салкынча җил куркыткан кешеләр «Киртәләрсез кино» кинокуелышын карый, портретлар буенча мастер-классларда катнаша, музыкаль концерт һәм шигъри кичәгә бара алачак. Үзең өчен идеаль вариантны KZN.RU порталының атналык афишасыннан табарга мөмкин.
«Киртәләрсез кино» кинофестивальләре лауреатлары фильмнарын күрсәтү
6-нчы апрель, 10.00 һәм 17.00 сәгатьтә
«Мир» кинотеатрында «Киртәләрсез кино» Халыкара кинофестивальләр лауреатлары булган, инвалид булган кешеләр тормышы турындагы фильмнар бушлай күрсәтеләчәк. 10.00 сәгатьтән 12.00 сәгатькә кадәр кече яшьтәге мәктәп укучыларын балалар программасына чакыралар, биредә аларны 7 кыска метражлы фильм, шулай ук анимация, уеннар һәм конкурслар көтә.
17.00 сәгатьтә өлкән сыйныф укучыларын һәм өлкәннәрне кино күрсәтү, шулай ук «Инклюзион. Казан» мәктәбеннән театр куелышы күргәзмәсе көтә.
Баланы иртә үстерү буенча остаханә
6-нчы апрель, 11.00 сәгатьтә
«Йорт» экоүзәгендәге Горки-Әмәт урманында баланың иртә үсеше буенча «Мин бала белән уйныйм» остаханәсе узачак. Уен остазы Елена Гусева үзебезнең илдәге уникаль уен методикасы турында сөйләячәк һәм әниләрнең барлык сорауларына җавап бирәчәк.
ТР Милли музеенда Бөтендөнья күселәр көне
6-нчы апрель, 12.00 сәгатьтә
Татарстан Республикасы Милли музеенда Бөтендөнья күселәр көне уңаеннан быел беренче тапкыр декоратив кимерүчеләр экспозициясен оештыралар. Музейга килүчеләр матур хайваннар белән аралаша һәм фотога төшә, канатта йөрүче күселәр өчен җан ата, күселәрнең «Куторалардан дефиле» шоу-тамашасын карый һәм күселәрнең җитезлек ярышларын күзәтә алачак. Килүчеләрне иҗади конкурслар һәм истәлекле бүләкләр көтә.
Мультфильм геройлары белән сәламәтлек көне
6, апрель, 15.00 сәгатьтә
«Калейдоскоп» паркында мультфильмнарның яраткан геройлары компаниясендә Сәламәтлек көнен бәйрәм итәчәкләр. Zumba фитнес-программасы берләшмәсе инструкторлары белән бергә «озын» курчаклар паркка килүче балаларның күңелләрен ачачак һәм бергәләп фитнес-зарядка үткәрәчәк.
В.И. Качалов исемендәге театр артистлары белән шигъри очрашу
6-нчы апрель, 18.00 сәгатьтә
Хәзерге заман сәнгате галереясендә «Европа – Россия - Азия» Халыкара театр фестивале башлану хөрмәтенә В.И.Качалов исемендәге театрның әйдәп баручы актерлары белән шигъри очрашу узачак. Барлык теләүчеләрне Татарстан Республикасының халык артисты Илья Славутский һәм Татарстан Республикасының атказанган артисты Елена Ряшина катнашлыгындагы кичәгә чакыралар. Алар Константин Бальмонт, Николай Гумилев, Иосиф Бродский, Белла Әхмәдуллина, Сергей Есенин һәм башка популяр авторларның әсәрләрен укыячак.
Театр-музей проектында музыкантлар катнашачак. Исегезгә төшерәбез, хәзер Заманча сәнгать галереясендә Егор Плотниковның «Уянуга бер минут кала» күргәзмәсе уза һәм Люси Воронованың 65 еллыгына багышланган экспозиция оештырыла.
«Ком тарихлары» абонементы концерты
7-нче апрель, 12.00 сәгатьтә
Салих Сәйдәшев исемендәге Казан Дәүләт Зур концерт залында «Ком тарихлары» абонементының бу сезондагы йомгаклау концерты була. Тамашачыларга Габдулла Тукай әсәрләре буенча «Туган як әкиятләре» программасын тәкъдим итәчәкләр, ул шагыйрь иҗатына багышлана.
Берничә ел дәвамында Дәүләт Зур концертлар залында үткәрелә торган «Ком тарихлары» проекты яшь тыңлаучыларга исәпләнгән. Ул балаларны классик һәм халык музыкасы белән үтемле итеп таныштыра. Һәр концерт күренеше танылган әкият сюжеты тирәсендә барлыкка килә һәм мастер Ләлә Явкинаның җанлы ком анимациясе белән үрелеп бара.
Брейк-зарядка
7-нче апрель, 12.00 сәгатьтә
Горки-Әмәт урманында Pozitiv Dance хип-хоп үзәге Cube контейнер үзәге территориясендә түләүсез брейк-зарядка үткәрәчәк. Катнашу өчен теркәлү кирәк түгел.
Казан зооботаника бакчасында Кошлар көне
7-нче апрель, 12.00 сәгатьтә
Казан зооботаника бакчасының экологик тәрбия мәктәбенең уку классында кошлар көненә багышланган чара узачак. Килүчеләр мастер-классларда катнаша, канатлы дуслар темасына мини-лекция тыңлый алачаклар.
Шәһәр халкына төрле кошлар күрсәтеләчәк, аларның үзенчәлекләре турында сөйләячәкләр, ә теләүчеләр кошларның канатларын микроскоп астында карый алачак. Моннан тыш, бу көнне ел саен үткәрелә торган иң яхшы кош йорты акциясенә йомгак ясаячаклар һәм җиңүчеләрне бүләкләячәкләр.
Кремль яр буенда Сәламәтлек көне
7-нче апрель, 13.00 сәгатьтә
Программада - актив уеннар, мастер-класслар, күрсәтмә спорт чыгышлары һәм иң актив катнашучылар өчен призлар.
Төп сәхнәдә пирс янында 13.00 сәгатьтә зумба һәм дәртле аэробика бию фитнес-программасы буенча мастер-класс узачак. 15.00 сәгатьтә биредә хәрби сәнгать буенча күрсәтмә чыгышлар оештырылачак.
Воркаут-мәйданда 14.00 сәгатьтә снарядлар кулланып күрсәтмә чыгышлар үткәрү көтелә. Моннан тыш, кунаклар турнирлардагы күнегүләрдә катнаша алачак.
Үзәк аллеяда 14.00 сәгатьтә Сәламәтлек көненең барлык катнашучыларына тәмле һәм файдалы ризыклар – яшелчәләрдән ашарга яраклы букетлар – сәламәтлек һәм дөрес туклану символларын өләшәчәкләр.
Чара барышында зарядка үтәчәк, шәһәр халкы сәламәтлек өчен файдалы уеннарда, бәйгеләрдә катнаша алачак, Казанның бер фитнес-клубыннан һәм Кремль яр буеннан призлар биреләчәк.
«Кеше портреты» дип аталган фоторәсемнәр остаханәсе
7-нче апрель, 14.00 сәгатьтә
«Штаб» креатив индустрияләр резиденциясендә «Кеше портреты» дип аталган фоторәсемнәр остаханәсе узачак. Профессиональ фотограф Олег Самойлов портретны төшерүнең барлык үзенчәлекләре, кирәкле яктылык, портретны ничек дөрес эшкәртү, дөрес төшерү һәм образлар өчен илһам алу турында җентекләп сөйләячәк.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
