Казан университеты галимнәре глобаль катаклизмнардан һәм эпидемияләрдән соңгы киләчәк турында сөйләячәк

Шәһәрлеләр «PROНаука в КФУ» проекты кысаларында лекцияләр тыңлый һәм виртуаль экскурсияләрдә катнаша алачак.

Фото: Денис Гордийко

(Казан шәһәре KZN.RU, 11-нче ноябрь). 16-нчы ноябрьдән 20-нче ноябрьгә кадәр Казанда «PROНаука в КФУ» фәнни-популяр проекты кысаларында онлайн-чаралар узачак. Теләгән һәркем лекцияләр тыңлый, университетның кызыклы урыннары буенча виртуаль экскурсияләдә була һәм конкурсларда, призлар уйнатуда катнаша алачак.

Проектның «Ночь после н.э.» исеме астындагы чираттагы сериясе киләчәккә, аны глобаль катаклизмнардан һәм эпидемияләрдән соң галимнәрнең ничек күрүенә багышланган. Атна дәвамында КФУ укытучылары һәм галимнәре антибиотикларның ни өчен файдасыз булуын, кешеләрнең башка планеталарга кайчан сәяхәт итә алуын, кешелек дөньясы барлык авырулардан котыла алырмы, пандемиянең хорафатларга ничек йогынты ясаячагын, язучы-фантастларның нинди фаразлары тормышка ашуын һәм зур мәгълүматларның зур хаоска китерәчәген сөйләячәк. Барлык лекцияләрне Казан федераль университетының «Вконтакте» төркемендә, «Универ ТВ» телеканалында карарга мөмкин булачак.

Проектта чакырылган спикерлар да катнашачак. «Безне нәрсә үтерми, ләкин бу төгәл түгел» (сәламәтлеккә яный торган реаль һәм уйлап чыгарылган куркынычлар) темасына лекция белән медицина блогеры, фәнни журналист Алексей Водовозов чыгыш ясаячак. «Медианың яңа типлары турында: проблемалар һәм мәсьәләләр турында» темасына ачык лекцияне программист, «Яндекс» компаниясенең технологияләр тарату директоры Григорий Бакунов укый.

Шулай ук атна дәвамында призлар да уйнатылачак. КФУдан һәм проектның партнерларыннан бүләкләрне иң игътибарлы тамашачылар алачак.

Чараларның тулы программасы белән сылтама буенча танышырга мөмкин.