«Чиста уеннар» экологик квестында катнашучылар «Крылья Советов» паркын тәртипкә китерәчәк

Командалар җыелган чүп-чар саны буенча көч сынашачак, җиңүчеләр призлар алачак.

Фото: Денис Гордийко

(Казан шәһәре KZN.RU, 20 нче апрель). 23 нче апрельдә Казанда санитар чистарту һәм төзекләндерү икеайлыгы һәм «ЭКОяз» республика акциясе кысаларында «Чиста уеннар» экологик квесты узачак. Квестта катнашучылар «Крылья Советов» паркында җыелган чүп-чар күләме буенча ярышачаклар.

Командаларга парк территориясендә чүп җыярга һәм сортларга бүлергә туры киләчәк. Җыелган калдыкларның билгеле бер саны өчен мобиль кушымтада баллар куелачак. Иң күп балл җыйган командалар кыйммәтле бүләкләр алачак.

Чара кысаларында икенчел чималны кабул итү пункты оештырыла. Шулай ук шәһәр халкын интерактивлар, экологик мастер-класслар, концерт программасы һәм кыр кухнясы көтә.

Квестта катнашу өчен 4-5 кешедән торган команда төзергә һәм алдан теркәлү узарга кирәк. Җыештыру өчен инвентарьны урында бирәчәкләр.

Квестта катнашучыларны 9:00 дән 10:00 гә кадәр Ленин исемендәге мәдәният йорты янындагы парковкада җыялар, дип хәбәр итә ТР Экология һәм табигый ресурслар министрлыгы матбугат хезмәте.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар