«Добрая Казань» җәйге сменасында аутистик спектры бозылган 15 бала катнашты

«Добрая Казань» җәйге сменасында аутистик спектры бозылган 15 бала катнашты

<p> «Добрая Казань» коворкингында менталь тайпылышлар булган балалар өчен беренче җәйге смена старт алды. Анда 6 яшьтән 12 яшькә кадәрге 15 бала катнашты. </p> <p> Программа балаларның көнкүреш күнекмәләрен үзләштерүне, иҗади түгәрәкләрне, кулинар осталыкны үз эченә ала. Белгечләр нейрокоррекция һәм адаптив айкидо, логоритмика һәм коммуникатив уеннар буенча дәресләр үткәрәчәк. </p> <p> «Без җәй буена өч смена үткәрергә планлаштырдык, әмма рекордлы вакытта 108 гариза алдык. Шуңа күрә сменалар санын өчтән җидегә кадәр арттырырга карар кабул ителде. Шулай итеп, без үзенчәлекле балалар санын колачларга тырышачакбыз», – дип  билгеләп үтте «Добрая Казань» оешмасы директоры Татьяна Мерзлякова. </p> <p> Балалар өчен Казанның азык-төлек һәм социаль туклану департаменты бирә торган ике тапкыр ашату каралган. </p> <p> Мондый сменаларны Казанның башка инклюзив үзәкләрендә дә үткәрү планлаштырыла. «Добрая Казань» да киләсе смена 8 июльдә башлана. Кызыксындырган сорауларны түбәндәге телефон буенча бирергә мөмкин: (843)558-74-18. </p>

2024-06-25T13:28:32+0300