Горький паркының мемориаль комплексы янында казанлылар үтенече буенча гранит өслекне яңартачаклар

Таю очракларын кисәтү өчен яңа плитка кытыршы булачак

Фото: тышкы төзекләндерү комитеты

Казанда Горький паркының керү төркемен яңарту дәвам итә – эшчеләре мемориаль комплекс янындагы плитканы сүтә башлаганнар. Аны алмаштыруны сорап шәһәрлеләр мөрәҗәгать иткән.

Тайгак гранит өслек урынына термик эшкәртелгән плитка барлыкка киләчәк. Таю очракларын кисәтү өчен яңа плитка кытыршы булачак.

Шулай ук мәйданчыкны «Хезмәт резервлары» стадионы территориясе белән тоташтыручы койманы яңарту планлаштырыла. Белгечләр яшеллек массивы эффектын тудыручы койма урнаштырачаклар.

Эшләр җәен тәмамланачак. Совет власте өчен һәлак булучыларның стеласы һәм Билгесез солдат һәйкәле зыян күрмәячәк, дип хәбәр иттеләр тышкы төзекләндерү комитетында.

Исегезгә төшерәбез, керү төркеменнән тыш, җәмәгать транспорты тукталышы зоналары да яңартылачак. Горький паркы ягыннан яңа павильонны узган елның ноябрендә төзеделәр. Зур тәрәзәләр аша җәмәгать киңлегендә төзекләндерелгән мәйданны күзәтергә була.

Быел урамның каршы ягында эшләр башланды. Җир асты кичүе тулысынча реконструкцияләнәчәк. Яңа гидроизоляция җайланмасы өчен бөтен нигезне сүтү планлаштырыла. Су һәм канализация челтәрләре өлешчә күчереләчәк. Бинаның бизәлеше, каршы яктагы кебек үк, гранит стилендә булачак. Барлык эшләрне 16 нчы июньгә тәмамлау планлаштырыла.

Шулай ук укыгыз

Барлык яңалыклар