«Гаилә» мәчете янында мәдәни-агарту үзәге барлыкка киләчәк

Комплекс территориясендә уку сыйныфлары, социаль ашханә, хәләл продукция кибете урнаштыру планлаштырыла.

(Казан шәһәре KZN.RU, 23-нче гыйнвар). Казанның Совет районындагы «Гаилә» мәчете территориясендә мәдәни-агарту үзәге төзеләчәк, анда уку сыйныфлары, социаль ашханә, хәләл продукция кибете һәм конференц-зал керәчәк.

«Гаилә» мәчете имам-хатыйбы Рөстәм хәзрәт Хәйруллин сөйләвенчә, ел саен мәчеттә Ислам тарихы буенча уку курсларын 400-гә якын кеше уза, иң кечкенә укучыга – 3 яшь, иң өлкәненә - 90 яшь. «Укырга теләүчеләр күп, әмма мәчеттә уку сыйныфлары җитми, шуңа күрә өстәмә үзәк төзү турында карар кабул ителде», - дип аңлатты Рөстәм хәзрәт Хәйруллин.

Үзәк төзелешен бу елның көзенә тәмамлау планлаштырыла.

Шулай ук укыгыз

Барлык яңалыклар