Яңалыклар
09.11.2022, 11:49
Казан зооботаника бакчасында Брюс даманнарының дүрт баласы туган
Балаларның җенесен әлегә билгеләү мөмкин түгел.
Фото: Марат Мөгыйнов
(Казан шәһәре KZN.RU, 9 нчы ноябрь). Казан зооботаника бакчасында дүрт Брюс даманы туган. Балаларны өч ана – Афродита, Элеонора һәм Врунька китергән.
Әниләргә витаминга бай ризык ашаталар. Аларның рационында яшеллек, салат, яшелчәләр һәм үлән гранулалары күп, дип сөйләделәр зооботаника бакчасы матбугат хезмәтендә.
Әлегә балаларның җенесе билгеле түгел. Ләкин килүчеләр инде аларны күрә ала. Даманнар – Африкада һәм Якын Көнчыгышта яшәүче зур булмаган, койрыксыз байбакларга охшаган хайваннар.
Исегезгә төшерәбез, 1 нче ноябрьдә Казан зооботаника бакчасының тарихи өлеше язга кадәр ябылды. Казан халкы зооботаника бакчасында яшәүчеләрне учреждениенең «Замбези елгасы. Африка» яңа өлешендә карый ала. Анда Бразза мартышкалары, гепардлар һәм арысланнар, су сыеры Захарья, алсу фламинголар, Нил крокодилы һәм башка бик күп хайваннар яши.
Җәен Бразза мартышкалары гаиләсендә чираттагы артым булды. Соңрак Казан зооботаника бакчасы балага исем сайлау буенча конкурс оештырды, аны рус баһадирларының берсе хөрмәтенә Илья дип атадылар.
Шулай ук укыгыз
-
30.04.2025, 15:45 -
30.04.2025, 14:03 -
30.04.2025, 09:14 -
29.04.2025, 17:56
