Казанның тагы 21 кешесенә коронавирус инфекциясе диагнозы куйганнар

Россиядә узган тәүлектә коронавирус белән авыруның 4696 яңа очрагы теркәлгән.

(Казан шәһәре KZN.RU, 25-нче август). Татарстанда коронавирус инфекция белән авыруның 30 яңа очрагы теркәлгән, аларның барысы да авыручылар белән элемтәдән соң барлыкка килгән. 9 кеше хастаханәгә озатылган, 21 кеше өйдә дәвалана.

Авыручылар арасында 18 яшьтән 30 яшькә кадәрге 5 кеше бар, 12 кеше – 30 яшьтән 50 яшькә кадәр, 5 кеше – 50 яшьтән 60 яшькә кадәр, 4 кеше – 60 яшьтән алып 70 яшькә кадәр, 4 кеше – 70 яшьтән 80 яшькә кадәр.

21 авыру Казанда яши, икешәр кеше – Югары Ослан һәм Нурлат районнарында, берәр кеше – Яр Чаллыда, Әлмәт, Яшел Үзән, Саба һәм Тәтеш районнарында.

25 августка Татарстанда 6338 СОVID-19 авыруы теркәлгән. Бөтен вакыт эчендә 5164 кеше савыккан, шул исәптән 36-сы – узган тәүлектә, дип хәбәр итә ТР Сәламәтлек саклау министрлыгының матбугат хезмәте.

Федераль оператив штаб мәгълүматы буенча, Россиядә узган тәүлектә коронавирус белән авыруның 4696 яңа очрагы теркәлгән. Бүгенге көндә авыруның 966 мең 189 очрагы расланган. 779 мең 747 кеше савыккан, 16 мең 568 кеше үлгән.

Шулай ук укыгыз

Барлык яңалыклар