Татарстанда «Зөләйха күзләрен ача» сериалын төшерү урыннары буенча туристик маршрут барлыкка киләчәк

Сериал төшерү урыннары буенча маршрут булдыру теләген республика туроператорлары белдергән.

(Казан шәһәре KZN.RU, 24-нче апрель). Татарстанда «Зөләйха күзләрен ача» сериалын төшерү урыннары буенча туристик маршрут барлыкка киләчәк. Фильм эпизодлары Казан үзәгендә, Лаеш районында Чулман ярында, шулай ук ачык һавасы астындагы «Татар авылы» этнографик музеенда төшерелгән.

Татарстанда сериал төшерү урыннары буенча маршрут булдыру теләген республика туроператорлары белдергән. Алар фикеренчә, Россия туристларына татар халкының тормышы, традицияләре, көнкүреше һәм мәдәнияте турында белү кызык булачак.

Туризм буенча ТР Дәүләт комитеты рәисе Сергей Иванов шулай ук коронавирус таралу куркынычына бәйле рәвештә кертелгән барлык чикләүләр беткәннән соң, яңа маршрут Татарстан кунакларына да кызыклы булачак, дип ышана. «Хәзер бөтен ил үзизоляция режимында яши, әмма без һәрвакытта да киләчәккә өмет белән карыйбыз һәм ел саен яңа кызыклы маршрутлар тәкъдим итәргә тырышабыз», - дип аңлатты С.Иванов. Ул билгеләп үткәнчә, сериалның барлык сәхнәләре республиканың матур урыннарында: Казан үзәгендә, Чулман буендагы Лаеш районында, биредә фильм төшерү өчен махсус Семрук поселогы төзелгән. Зөләйханың туган авылы күренешләре «Татар авылы» этнографик музеендагы ачык һавада төшерелгән.

Исегезгә төшерәбез, бу атнада Россия телеэкраннарында Гүзәл Яхина романы буенча төшерелгән картинаны күрсәтү тәмамланды. Күп серияле фильм трансляциялән «Россия 1» телеканалы мәгълүматлары буенча, «Зөләйха күзләрен ача» телесезонның иң рейтинглы сериалы булган. Фильмның балигъ булмаган аудиториясенең уртача өлеше 21,1% булса, рекордлы уртача өлеше 7,4% тәшкил иткән. Премьера көнендә, 13-нче апрельдә, проектның беренче эпизоды барлык сериаллар арасында иң яхшы старт күрсәткән. Моннан тыш, Гүзәл Яхина романы буенча куелган фильмның һәр эпизоды премьера көнендә интернетның рус телле секторында тренд булган. Телеканалның рәсми сайтында сериалны 2 млн тапкыр караганнар. Өстәмә рәвештә 21-нче апрельгә Youtubeта 9 млн нан артык карау җыелган, дип хәбәр ителә «Россия 1» сайтында.

Сериалны төшерү 5 айга якын дәвам итте. Алар 2018 елның 10-нчы августында Архангельскидагы смена белән старт алды. Соңыннан төшерү барышы Татарстанның Лаеш районында, Казанда, Мәскәүдә, Ярославльдә узды һәм 2019 елның февралендә Пермьдә тәмамланды. Сериал эфирга 2020 елның 13-нче апрелендә чыкты. Картинаның режиссеры - Егор Анашкин. Фильмда төп рольләрне Чулпан Хаматова, Сергей Маковецкий, Роза Хәйруллина, Юлия Пересильд, Роман Мадянов, Евгений Морозов, Александр Бәширов, Рамил Сабитов башкарды.

Шулай ук укыгыз

Барлык яңалыклар