Иртәгә Казанда томан һәм җил 15 – 18 м/с булыр дип фаразлана

Иртәгә Казанда томан һәм җил 15 – 18 м/с булыр дип фаразлана

<p> Бу атнада Татарстанда көндезге температура +19 градус һәм югарырак булган җылы һава торышы көтелә. Кыска вакытлы яңгырлар булырга мөмкин, төнлә – томан. Бу хакта ТР Гидрометүзәктә хәбәр иттеләр. </p> <p> Иртәгә төнлә Казанда алмашынучан болытлы һава фаразлана, урыны белән бераз яңгыр явачак. Аерым районнарда томан булырга мөмкин. Көндез шулай ук алмашынучан болытлы һава көтелә, әмма явым-төшемсез. Җил – көнбатыштан һәм төньяк-көнбатыштан 6 – 11 м/с ка кадәр, урыны белән җилнең тизлеге 15 – 18 м/с. Төнге сәгатьләрдә һаваның минималь температурасы +14..+16 градус тәшкил итәчәк. Көндез термометр баганалары +20..+22 грдуска кадәр күтәреләчәк. </p> <p> Чәршәмбе, 21 августта төнлә Татарстанда бераз яңгыр булуы көтелә, явым-төшем күбесенчә көнчыгыш районнарда булырга мөмкин. Төнге сәгатьләрдә һава температурасы +12..+17 градус, көндез +19..+24 градуска җылына. </p> <p> Пәнҗешәмбе һәм җомга, 22 һәм 23 августта, вәзгыять кыска вакытлы үзгәрәчәк, явым-төшемнәр икеле. Төнге һәм иртәнге сәгатьләрдә аерым районнарда томан булырга мөмкин. Температура төнлә +8..+13 градус көтелә, көндез – +19 градустан +25 градуска кадәр. </p> <p> Татарстан Республикасы Гидрометүзәге алдан фаразлаганча, республикада ялларда зур булмаган һәм уртача яңгырлар узачак. Көндез синоптиклар +19..+24 градус вәгъдә итә. </p>

2024-08-20T14:24:00+0300