Евангелиене өйрәнү буенча атналык бушлай дәресләр циклы Казанда старт ала

Лекцияләрне чиркәү рухание һәм клиник психолог укыячак.

Фото: Марат Мугинов

(Казан шәһәре KZN.RU, 26-нчы октябрь). Казан епархиясенең «Утешение» психологик ярдәм хезмәте Татарстан башкаласында Евангелиене өйрәнү буенча бушлай дәресләр курсын башлап җибәрә. Алар атнага бер тапкыр Мәскәү изгеләре өчен архиерей йорты территориясендә узачак.

Очрашуларны Теләче авылында Покровский храмы рухание, Казан руханилар семинариясенең чиркәү-гамәли дисциплиналары кафедрасы укытучысы, иерей Алексий Павлов һәм «Утешение» психологик ярдәм епархиаль хезмәте җитәкчесе, клиник психологы Оксана Новикова үткәрәчәк. Теләге булган һәркем Изге Китап һәм Изге Риваятьне өйрәнә, изге аталарның хезмәтләре белән таныша, кызыксындырган сорауларны бирә ала.

Изге Китап руханилар тарафыннан гына түгел, ә чиркәү психологы тарафыннан да тикшерелә торган очрашулар Россия территориясендәге берничә епархиядә үткәрелә. Проектны эшләтеп җибәрү алдыннан Алексий Павлов хезмәттәшләренең тәҗрибәсен өйрәнү өчен махсус Екатеринбургка барган.

Казанда Евангелие очрашулары дүшәмбе көннәрендә 18:00 сәгатьтән 19:30 сәгатькә кадәр түбәндәге адрес буенча узачак: Мәскәү урамы, 39, дип хәбәр итә Татарстан митрополиясе. Тулырак мәгълүматны епархиаль психологик ярдәм хезмәте аша түбәндәге телефон номеры буенча беләргә була: +7(904)667-21-44.

Исегезгә төшерәбез, Казанда шулай ук тирәнтен ислам дәресләре үткәрелә. Дәресләрне «Зәңгәр» мәчетендә ТР мөселманнары Диния нәзарәтенең шәригать белгечләре һәм голәмәләре алып бара.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар