Казанда ел ахырына кадәр Касә янындагы «цифрлы» юл чаты сынау режимында эшләячәк

Ул хәрәкәт катнашучыларының игътибарын юл ситуациясенә җәлеп итүгә юнәлдерелгән.

(Казан шәһәре KZN.RU, 11-нче июль). Казанда Декабристлар, Сибгат Хәким һәм Комсомол урамнары киселешендә эшли торган «цифрлы» юл чаты ел ахырына кадәр сынау режимында эшләячәк.

«Цифрлы» юл чаты «аяк астындагы светофор», светофорның сигналларын кабатлый торган светодиод тасма, җәяүлеләрне тавыш ярдәмендә хәбәр итүнең интеллектуаль системасы, лазер стоп-линияләре, яктылык диодлы юл индикаторлары, тизлекне электрон үлчәү таблосы һәм башкаларны үз эченә ала. Болар барысы да хәрәкәт катнашучыларының игътибарын юл ситуациясенә җәлеп итүгә юнәлдерелгән.

«Цифрлы» юл чаты элементларын җитештерә торган «Зарница» җитештерү берләшмәсе генераль директоры Артур Габдулҗанов аңлатканча, компания шәһәр урамнарында сәнәгать масштабында «санлы» тыкрыклар куллануны норматив җайга салу мәсьәләләрен хәл итәргә планлаштыра, дип хәбәр итә ТР Мәгълүматлаштыру һәм элемтә министрлыгы матбугат хезмәте.

Шулай ук укыгыз

Барлык яңалыклар