Яңа Савин районындагы Халыкны эш белән тәэмин итү үзәге вакансияләр ярминкәсе уздыра

Эш эзләүчеләргә район предприятиеләрендә эш урыннары тәкъдим итәчәкләр.

Фото: Марат Мөгыйнов

(Казан шәһәре KZN.RU, 15 нче февраль). 16 нчы февраль көнне Казанның Яңа Савин районындагы Халыкны эш белән тәэмин итү үзәге вакантлы эш урыннары ярминкәсе үткәрә.

Шәһәрлеләр район предприятиеләрендәге буш эш урыннары һәм вакантлы вазыйфалар турында белә, эшкә урнашуда ярдәм ала, район предприятиеләренең кадрлар хезмәте вәкилләре белән очраша, мәшгульлек турындагы законнар, дәүләт гарантияләре буенча консультацияләр ала алачак, дип хәбәр ителә Халыкны эш белән тәэмин итү үзәге сайтында.

Вакансияләр ярминкәсе 10:00 дән 12:00 гә кадәр Ибраһимов ур., 41 адресы буенча узачак. Тулырак мәгълүматны +7(843)560-82-99 телефоны буенча белергә мөмкин.

Шулай ук укыгыз

Барлык яңалыклар