Казанның халыкны эш белән тәэмин итү үзәге август аенда биш вакансия ярминкәсе үткәрәчәк

Чаралар шәһәрнең барлык районнарында да узачак

Фото: Марат Мөгыйнов

(Казан шәһәре KZN.RU, 27 нче июль). Август аенда эшсез казанлылар өчен биш вакансия ярминкәсе үткәреләчәк. Шәһәрлеләр вакантлы вазыйфалар турында белә һәм эш бирүчеләр белән очраша алачак.

Иң якын вакансияләр ярминкәсе 8 нче августка планлаштырылган. Эшне Вахитов һәм Идел буе районнарында яшәүчеләргә тәкъдим итәчәкләр. Чара 9:00 сәгатьтән 11:00 сәгатькә кадәр Бертуган Касыймовлар урамы, 22/7 адресы буенча узачак. Шул ук урында вакансияләр ярминкәсе 23 нче августта 10:00 сәгатьтән 12:00 сәгатькә кадәр оештырыла. Белешмәләр өчен телефон: +7(843)224-86-83.

16 нчы августта вакансияләр ярминкәсе Киров һәм Мәскәү районнары буенча халыкны эш белән тәэмин итү үзәге филиалында узачак. Шәһәрлеләрне Гагарин урамы, 46 адресы буенча 10:00 сәгатьтән 12:00 сәгатькә кадәр көтәчәкләр. Тулырак мәгълүматны +7(843)564-58-72 телефоны буенча белергә мөмкин.

Совет районында халык эш бирүчеләр белән 17 нче августта очраша алачак. Вакансияләр ярминкәсе 10:00 сәгатьтән 12:00 сәгатькә кадәр Р.Зорге урамы, 102 адресы буенча узачак. Консультация +7(843)205-54-53 телефоны буенча үткәрелә.

Вакансияләр ярминкәсе Авиатөзелеш һәм Яңа Савин районнары буенча халыкны эш белән тәэмин итү үзәге филиалында төгәлләнәчәк. Ул 23 нче августта 10:00 сәгатьтән 12:00 сәгатькә кадәр узачак. Эшкә урнашырга Ибраһимов проспекты, 41 адресы буенча ярдәм итәчәкләр. Өстәмә мәгълүмат өчен +7(843)560-88-98 телефоны буенча мөрәҗәгать итәргә мөмкин.

Исегезгә төшерәбез, узган ел Казанның халыкны эш белән тәэмин итү үзәгенә эш эзләп 17 меңнән артык кеше мөрәҗәгать иткән – 2021 елга караганда 8,7 меңгә кимрәк. Аларның 10,5 меңе (60%) эшкә урнаштырылган. Дәгъвачылар күбрәк транспорт, сәүдә, җитештерү, төзелеш һәм медицина тармакларында эш тапкан.

Шулай ук укыгыз

Барлык яңалыклар