Казанның Халыкны эш белән тәэмин итү үзәге 28 нче ноябрьдә ике вакансия ярминкәсе үткәрәчәк

Чараларда шәһәр халкы дәүләт гарантияләре турында сораулар бирә алачак

Фото: Марат Мөгыйнов

(Казан шәһәре KZN.RU, 23 нче ноябрь). Казанның халыкны эш белән тәэмин итү үзәге 28 нче ноябрьдә ике вакансия ярминкәсе үткәрәчәк. Чараларда шәһәрлеләр буш эш урыннары турында белә, предприятиеләрнең кадрлар хезмәтләре вәкилләре белән очраша, шулай ук хезмәт законнары һәм дәүләт гарантияләре турында сораулар бирә алачак.

10:00 сәгатьтән 12:00 сәгатькә кадәр вакансияләр мини-ярминкәсе Мәскәү һәм Киров районнары буенча Халыкны эш белән тәэмин итү үзәге филиалында оештырылачак. Эш эзләүчеләрне Гагарин урамы, 46 адресы буенча көтәчәкләр. Белешмәләр өчен телефон: +7 (843) 564-38-32.

Шул ук вакытта Авиатөзелеш һәм Яңа Савин районнарында яшәүчеләргә эшкә урнашырга ярдәм итәчәкләр. Ярминкәгә шулай ук инвалид шәһәрлеләрне дә чакыралар. Чара Ибраһимов проспекты, 41 адресы буенча узачак. Өстәмә мәгълүматны +7(843)564-53-98 телефоны буенча белергә мөмкин.

Килүчеләр өчен керү һәм барлык хезмәтләр дә бушлай, дип хәбәр иттеләр Казанның Халыкны эш белән тәэмин итү үзәгенең матбугат хезмәтендә.

Исегезгә төшерәбез, узган ел ТР башкаласының Халыкны эш белән тәэмин итү үзәгенә эш эзләп, 17 меңнән артык кеше мөрәҗәгать иткән – бу 2021 елга караганда 8,7 меңгә кимрәк. Аларның 10,5 меңе (60%) эшкә урнаштырылган. Еш кына эш эзләүчеләр эшне транспорт, сәүдә, җитештерү, төзелеш һәм медицина тармакларында табалар.

Шулай ук укыгыз

Барлык яңалыклар