Казан халкын эш белән тәэмин итү үзәге эшмәкәрлек эшчәнлеген оештырганда эшсезләргә ярдәм күрсәтә

Субсидия алу өчен халыкны эш белән тәэмин итү хезмәтенә теркәлү урыны буенча мөрәҗәгать итәргә кирәк.

(Казан шәһәре KZN.RU, 27-нче август). Казан халкын эш белән тәэмин итү үзәге үзмәшгульлеккә ярдәм күрсәтү һәм эшсез гражданнарга эшмәкәрлек эшчәнлеген оештыруга субсидияләр бирү буенча дәүләт хезмәте күрсәтә.

Рәсми рәвештә эшсез дип танылган казанлылар үзмәшгульлекне үстерү программасында катнаша һәм бизнес-планны тормышка ашыруга бер тапкыр бирелә торган финанс ярдәме ала ала. Субсидия алу өчен халыкны эш белән тәэмин итү хезмәтенә теркәлү урыны буенча мөрәҗәгать итәргә, гариза-анкета тутырырга, бизнес алып баруга сәләтләрне ачыклауга юнәлдерелгән тест узарга кирәк.

Шуннан соң программаның катнашучысы эшмәкәрлек эшчәнлеген оештыручы чыгымнарның нигезлелеген һәм нәтиҗәлелеген раслаучы бизнес-план эшләргә тиеш. Бизнес-планнарны бәяләү буенча эксперт советы проектны караячак, һәм мәшгульлек үзәге белән эшсез кеше арасында уңай хәл ителгән очракта, эшмәкәрлек эшчәнлеге рәвешендә үзмәшгульлекне оештыруга дәүләт ярдәме күрсәтү турында шартнамә төзеләчәк.

Шулай ук укыгыз

Барлык яңалыклар