Казанның кризислы йөклелек үзәге 116 хатын-кызга сабыйларын саклап калырга ярдәм иткән

Казанның кризислы йөклелек үзәге 116 хатын-кызга сабыйларын саклап калырга ярдәм иткән

<div class="detail-picture"> <img src="https://kzn.ru/upload/iblock/faf/fafbda2b25acba31bf4eb30183e9d8a1.jpg"> <p class="detail-picture__caption"> Марат Мөгыйнов фотосы </p> <p> </p> <p> Бу елны Медицина университеты клиникасы каршындагы Республика кризислы йөклелек үзәгенә ярдәм сорап 163 хатын-кыз мөрәҗәгать иткән. Шуларның 116 сы, йөклелекне өзмичә, сабыйларын саклап калган. </p> <p> Республика үзәгендә авыр тормыш хәлендә калган пациентлар йөкле вакытта да, бала тапканнан соң да тулы комплекслы тиешле тикшеренүләр уза ала. Булачак әниләр һәм бала табучы хатын-кызлар өчен психолог, акушер-гинеколог, эндокринолог, гематолог, уролог, УЗИ һәм рентген кабинетлары, шулай ук процедура кабинеты эшли. </p> <p> Беренче тапкыр кабул иткәндә табиблар хатын-кызларны аборттан соң була торган авырлыклар турында кисәтә, юристлар һәм социаль хезмәткәрләр ана булу мәсьәләләренә кагылышлы сораулар буенча ярдәм күрсәтә. </p> <p> Бу елны үзәккә 163 хатын-кыз мөрәҗәгать иткән, шуларның 116 сы йөклелекне өзмичә, сабыйларын саклап калган һәм «Игелекле Казан» автоном коммерцияле булмаган оешмасы карамагында тора. </p> <p> «Игелекле Казан» үз канаты астындагыларны ярдәмнән ташламый. Йөкле яки күптән түгел генә бала тапкан хатын-кызлар белән беррәттән, чыннан да игътибарга мохтаҗ булган гаиләләргә тулысынча ярдәм итәбез. Безнең эш авырлыклар алдында калган хатын-кызларга үзләрен ялгыз хис итмәскә мөмкинлек бирә. Алар нинди генә ярдәм кирәк булган очракта да – матди булсынмы, кием яки азык-төлекме – кая мөрәҗәгать итәргә кирәклеген аңлыйлар», - дип сөйләде «Игелекле Казан» автоном коммерцияле булмаган оешмасы директоры Татьяна Мерзлякова. </p> <p> Бүген оешма белгечләре йөклелекне саклап калырга теләгән 71 хатын-кызга ярдәм күрсәтә, 45 е – тормыш шартларын яхшырткан. Әниләргә бала туганнан алып балалар бакчасына кергәнчегә кадәр ярдәм күрсәтәләр. Хатын-кызлар бала тудыру йортыннан чыкканда бала карау өчен кирәкле әйберләр һәм гигиена чаралары ала, шулай ук аларга коляска, карават һәм балалар өчен туклану ризыклары бирелә. </p> <p> Исегезгә төшерәбез, кризислы йөклелек үзәге сынау проекты буларак Казан мэры Илсур Метшин ярдәме белән 2023 елның августыннан эшли башлады. Үзәк узган елның гыйнварында Казанда Медицина университеты клиникасы базасында <a target="_blank" href="https://kzn.ru/meriya/press-tsentr/novosti/ilsur-metshin-o-novom-tsentre-krizisnoy-beremennosti-my-budem-borotsya-za-kazhdogo-malysha/?lang=ta">ачылган</a> иде. Узган ел үзәк ярдәмендә 305 хатын-кызның 87 се йөклелекне өзмичә, сабыйларын саклап калган. </p> </div> <br>

2025-12-09T09:41:00+0300