«Эрмитаж-Казан» үзәге «Матисс. Пикассо. Шагал» балалар һәм ата-аналар өчен балалар программасы әзерләде.

Халыкара балаларны яклау көне алдыннан бәләкәй кунаклар өчен төрле чаралар узачак.

(Казан шәһәре KZN.RU, 29-нчы май). «Эрмитаж-Казан» үзәге Халыкара балаларны яклау көне алдыннан «Матисс. Пикассо. Шагал» күргәзмәсе буенча балалар һәм ата-аналар өчен 31-нче майда көн дәвамында 6 яшьтән өлкәнрәк балалар өчен төрле чаралар узачак. Бәләкәй кунаклар Франция, Испания, Германия һәм Италия рәссамнарының рәсем, скульптура һәм график әсәрләре белән танышачак.

13.15 сәгатьтә балалар өчен күргәзмә буенча интерактив программа старт ала. Катнашучылар Ауропаның танылган осталарының тормышы һәм иҗаты белән танышу өчен йөз ел элек булган чорга музей сәяхәтенә китәчәк. Балаларга серле тартмада нинди предмет яшеренгәнен белергә, төрле фигуралардан Пикассоның танылган картинасы буенча коллаж җыярга һәм «кубизм»ның нәрсә икәнен белергә, Анри Матиссның иҗаты белән танышырга һәм аның остаханәсенә барырга, мәсәл геройларын табарга һәм үзендә «Рәссам китабы» эченә яшерелгән серләрне белергә кирәк булачак.

15.15 сәгатьтә «Матисс. Пикассо. Шагал» күргәзмәсе буенча балалар һәм ата-аналар өчен экскурсия узачак.

1-нче июнь 14.00 сәгатьтә социаль челтәрләрдә иң бәләкәй кунаклар өчен видеосюжет чыгачак.

Музейга бару һәм программаларда катнашу өчен +7(843)567-80-32, +7(843)567-80-34 телефоннары буенча алдан язылырга кирәк, дип хәбәр итә үзәкнең матбугат хезмәте.

Музей киңлегендә булганда, килүчеләргә социаль дистанцияне үтәргә, шулай ук шәхси саклану чараларын: битлек һәм перчаткаларны кулланырга кирәк.

Шулай ук укыгыз

Барлык яңалыклар