Керлинг буенча тренировка, чаңгы ярышлары һәм «Салкын йөрәк»: Казанда Яңа ел каникуллары

Касә янындагы концертлар 7-нче гыйнварга кадәр һәр кич 17.00 сәгатьтән 19.00 сәгатькә кадәр узачак.

(Казан шәһәре KZN.RU, 2-нче гыйнвар). Бүген Казанның җәмәгать киңлекләрендә ТР башкаласы халкы һәм кунаклары өчен бай эчтәлекле күңел ачу программасы әзерләнгән.

11.00 сәгатьтән Җиңү паркында чаңгы ярышлары узачак. Чарада 7 яшьтән зуррак балалар һәм өлкәннәр катнашачак, аларга 1 чакрым дистанцияне узарга кирәк булачак. Ярышларда катнашу бушлай, сайтта алдан теркәлү сорала.

12.00 сәгатьтә Горки-Әмәт урманында барлык теләүчеләр дә кышкы уеннарга кушыла алачак. Биредә баян астында биергә һәм кайнар чәй белән җылынырга мөмкин булачак.

«Континент» паркында «Кыш Бабай һәм Кар кызы» бәйрәм программасы узачак (12.00 сәгатьтә башлана). «Черек күл» паркында (12.00 сәгатьтә башлана) һәм «Ак чәчәкләр» бульварында (16.00 сәгатьтә башлана) «Салкын йөрәк» театраль тамашасы узачак.

17.00 сәгатьтә «Черек күл» паркында керлинг буенча ачык тренировка үткәреләчәк. Мастер-классларны Татарстан Республикасының керлинг федерациясе спортчылары үткәрәчәк.

Бәйрәм программасы 17.00 сәгатьтә «Калейдоскоп» һәм «Сосновая роща» паркларында башлана.

«Казан» гаилә үзәге янында бәйрәм концерты көннең финал аккорды булачак. Касә янындагы концертлар 7-нче гыйнварга кадәр һәр кич 17.00 сәгатьтән 19.00 сәгатькә кадәр узачак.

Исегезгә төшерәбез, KZN.RU порталында «Казанда Яңа ел – 2020» бүлеге эшли. Биредә бәйрәмнәрдәге мәдәни афиша, «Паркларда кыш» программасы белән танышырга мөмкин. Шулай ук әлеге бүлектә Яңа ел бәйрәмнәрендә җәмәгать транспортының, медицина оешмаларының, хоккей тартмаларының, шугалакларның һәм чаңгы трассаларының эше турында мәгълүмат урнаштырылган.

Шулай ук укыгыз

Барлык яңалыклар