Казанда өч миллионынчы турист тутырма, куллама ашап караячак һәм “Шәһәр панорамасы” музеенда булачак

5 мең казанлы юбилей кунак өчен программа һәм меню төзеде.

(Казан шәһәре KZN.RU, 16-нчы октябрь). Казанда өч миллионынчы турист килер алдыннан махсус сайта барган тавыш бирү тәмамланды. Шәһәрлеләр юбилей кунак өчен күңел ачу программасы һәм милли ризыклар белән меню төзеделәр. 1-15 октябрьдә үткән тавыш бирүдә 5 мең казанлы катнашты.

Тавыш бирү нәтиҗәләре буенча, өч миллионнычы турист “Шәһәр панорамасы” һәм чәк-чәк музейларында булырга, Кремль яр буен күрергә, шулай ук Г.Камал ис.театрда булырга тиеш. Милли ашларга килгәндә, кунакка шәһәрлеләр ат итеннән ясалган тутырмадан, авылча куллама ашыннан, татарча азудан, вак бәлештән, гөбәдиядән һәм катыктан авыз итәргә киңәш итәләр.

Искәртергә кирәк, Татарстан башкаласы шәһәргә ноябрь бәйрәмнәрендә киләчәк өч миллионынчы туристны каршы алырга әзерләнә.

Шулай ук укыгыз

Барлык яңалыклар