«Смена» традицион кышкы китап фестивале Татарстан Республикасы Милли китапханәсендә узачак

«Смена» традицион кышкы китап фестивале Татарстан Республикасы Милли китапханәсендә узачак

<p> </p> <div class="detail-picture"> <img src="https://kzn.ru/upload/iblock/b32/MMB_6354.jpg"> <p class="detail-picture__caption"> Фото: Марат Мугинов </p> </div> (Казан шәһәре KZN.RU, 27-нче ноябрь). 12-нче һәм 13-нче декабрьдә «Казан» милли-мәдәни үзәгенең яңартылган бинасында урнашкан ТР Милли китапханәсендә Заманча мәдәният үзәгенең ел саен уздырыла торган «Смена» Кышкы китап фестивале узачак. Ул яңа форматта барлык санитар-эпидемиологик нормаларны үтәп оештырылачак.<br> <p> </p> <p> Китап ярминкәсендә быел Россия нәшриятлары китаплары белән 20 стенд тәкъдим ителәчәк. Биредә теләсә нинди зәвыкка китаплар табарга мөмкин: заманча нон-фикшн, мәдәният һәм сәнгать, архитектура һәм урбанистика, бизнес һәм эшлекле әдәбият буенча басмалар, психология, гуманитар фәннәр, академик, фәнни-популяр һәм документаль әдәбият, заманча һәм классик проза, шулай ук нәшрият бәяләре буенча сатылачак балалар өчен китаплар. </p> <p> Лекторийда кунаклар китап фестивале кысаларында «Смена» башлап җибәрә торган проектларның анонслары һәм презентацияләре белән таныша алачаклар. Шулай итеп, башкалар арасында On demand проекты да тәкъдим ителәчәк –шәһәр халкы китаплар сайлый һәм аларны китапханәгә сатып алу өчен тәкъдим итә алачак, анда аларны киләчәктә уку билеты буенча алырга мөмкин булачак. Профессиональ китапханәчеләр, фестивальне оештыручылар һәм экспертлар барлык гаризаларны да караячак һәм китапханә фондларын тулыландыру өчен китаплар исемлеген формалаштырачак. </p> <p> Белем бирү өлеше онлайн һәм офлайн узачак. Килүчеләр совет индустриясенә нигез салган картаю механизмнары, кыйммәтле әйберләр, хисләр якынлыгы, хайваннарның һәм кешенең фикерләү һәм үз-үзләрен тотышы турында лекцияләр, шулай ук бөтен дөнья авторларының башка чыгышларын тыңлый алачаклар. </p> <p> Шулай ук мәдәни учреждениеләр хезмәткәрләре өчен воркшоп үткәрү планлаштырыла. Моннан тыш, ТР Милли китапханәсе оешма фондларында сакланган көндәлекләрне расшифровкалау, күчерү һәм цифрлаштыру буенча лабораторияләр сериясен башлап җибәрә. Фестиваль кунаклары бу чарада катнаша алачак. </p> <p> Фестиваль расписаниесе белән танышырга, шулай ук һәр махсус проект турында <a href="https://s-m-e-n-a.org/zkf2020/" target="_blank">сайтта</a> белергә мөмкин. </p> <p> Чарага керү бары тик <a href="https://smena-kazan.timepad.ru/event/1491664/">түләүсез алдан теркәлү буенча гына мөмкин</a>. Барлык килүчеләргә битлекләрдә булу һәм социаль дистанцияне саклау кирәк, дип хәбәр итә оештыручылар. </p> <p> Фестиваль ТР Мәдәният министрлыгы һәм Казан Мэриясе ярдәме белән «Смена» заманча мәдәният үзәге, ТР Милли китапханәсе һәм «Живой город» фонды тарафыннан уздырыла. </p>

2020-11-27T16:06:54+0300