«Тоталь диктант» көзгә күчерелде

Акцияне уздыруның яңа көнен 25-нче мартта игълан итәчәкләр.

(Казан шәһәре KZN.RU, 16-нчы март). «Тоталь диктант» бөтенроссия акциясен көзгә күчерделәр. Бу дөньяда коронавирус пандемиясен игълан итү белән бәйле. «Тоталь диктант»ны уздыруның яңа көнен 25-нче мартта игълан итәчәкләр.

Акция 4-нче апрельдә узар, дип планлаштырылган иде. Күчерү төбәк һәм муниципаль хакимият органнары тәкъдимнәре белән аңлатыла. Исегезгә төшерәбез, Татарстанда республика Президенты Рөстәм Миңнеханов йөкләмәсе буенча коронавирус таралу куркынычы аркасында махсус санитар-эпидемиологик режим кертелде. Күп санлы кешеләр катнашында чаралар уздырганда чикләүләр 15-нче апрельгә кадәр гамәлдә булачак.

Шул ук вакытта диктантны оештыручылар билгеләп үткәнчә, акциягә әзерлек курслары план буенча узачак. Онлайн-курслар теләсә нинди эпидемиологик шартларда да дәвам итәчәк. Көзгә кадәр яңа онлайн-курслар оештыру планлаштырыла, дип хәбәр ителә бөтенроссия акциясенең рәсми сайтында.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар