Дүшәмбенең топ-5 яңалыгы: Казан тузган коммуналь челтәрләр белән ничек көрәшә һәм мәктәп укучылары нинди ризыклар ярата

Бу көннең төп темалары турында KZN.RU порталы материалларында укыгыз.

Фото: Казан шәһәре KZN.RU

(Казан шәһәре KZN.RU, 22-нче март). Казан Башкарма комитетында яңа эш атнасы традицион эшлекле дүшәмбедән башланды. Көн тәртибендә шәһәр өчен мөһим берничә мәсьәлә – коммуналь хуҗалык челтәрләренең тузуы, мәктәп туклануының ата-аналар контроле һәм балаларны гомуми белем бирү учреждениеләренә кабул итү кампаниясенең башланып китүе. Моннан тыш, Казан Мэриясендә узган кышкы сезонга йомгак ясадылар.

Башкарма комитет яшәрә

Бүген Казан Мэры Илсур Метшин башкарма комитетта чираттагы кадрлар билгеләнүе турында игълан итте. Шәһәр башлыгы командасына яшь, ләкин муниципаль хезмәттә үзен күрсәтергә өлгергән Булат Алеев кушылды. Аңа Башкарма комитеттагы төп позицияләрнең берсен җитәкләү ышанып тапшырылды, нинди позиция икәнен безнең материалда укыгыз.

Коммуналь челтәрләрнең таушалуы

Илсур Метшин күп кенә мегаполислар, шул исәптән Татарстан башкаласы да очраша торган коммуналь челтәрләрнең тузуы проблемасын шәһәрнең авырткан җире дип атады. Бүгенге көндә совет елларында ук салынган челтәрләрнең тузу дәрәҗәсе 60% чамасы тәшкил итә, һәм бу үсешне, әгәр коммуналь инфраструктура объектларын ремонтлау буенча федераль программа кабул ителмәсә, туктатып булмый, дип белдерде Казан Мэры. Муниципалитетның ничек проблеманы хәл итәргә тырышуы турында киләсе яңалыкта укыгыз.

Пюремы, макаронмы?

Казан укучылары чираттагы тапкыр үзләренең бәрәңге боламыгына һәм макароннарга мәхәббәтләрен белдерделәр, ә «ашханә» менюсының аутсайдерлары исемлеген гадәттәгечә балык котлетлары җитәкли. Ата-аналар үз балаларының өстенлекләре турында ата-аналар контроле уздыру барышында белделәр. Аларга мәктәп менюсыннан әзерләнгән ризыклар ошыймы һәм быелдан башланган «ата-аналар контроле» проектының беренче нәтиҗәләре турында безнең материалда укыгыз.

Хоккей, чаңгы һәм тимераяклар

Казан Россия спорт башкаласының рәсми булмаган статусын актив раславын дәвам итә. Узган кышкы сезон да искәрмә булмады – шәһәр 8 спорт төре буенча 50-гә якын төрле ярышлар үткәрде. Казанлыларны салкыннар һәм кар бураннары куркытмаган – 35 меңгә якын шәһәр кешесе ярышларда катнашкан, шуның белән сәламәт яшәү рәвешенә бирелгәнлеген исбатлаган. Узган турнирларның нәтиҗәләренә һәм җиңүчеләренә яңалык багышланган.

Яңадан мәктәпкә

Мәктәпләргә балаларны кабул итү кампаниясе 1-нче апрельдән башлана. Казан кабат узган елгы рекордын уздырды – парталар артына 20 меңнән артык беренче сыйныф укучысы утырачак. Баланың кайсы мәктәпкә беркетелүен һәм укырга керү өчен нинди документлар җыярга кирәклеген безнең материалда белергә мөмкин.

Фоторепортаж

Эшлекле дүшәмбе, 22.03.2021

Шулай ук укыгыз

Барлык яңалыклар