Казанда атнаның Топ-5 яңалыгы: музыкантлар кайда уйнаячак һәм электробуста ничек йөрергә

Узган эш атнасының төп темалары турында KZN.RU порталы сайланмасында укыгыз.

Фото: Денис Гордийко

(Казан шәһәре KZN.RU, 16-нчы июль). Казанда шәһәр хуҗалыгы өлкәсендә стартаплар әзерләүчеләргә грантлар белән ярдәм итәргә, урам музыкантлары һәм рәссамнары өчен махсус мобиль кушымта булдырырга һәм шәһәрдә беренче электробусны сынап карарга планлаштыралар. Атнаның төп темалары турында KZN.RU порталы материалларында укыгыз.

Транспорт буенча баш

Казанда Транспорт буенча комитетның яңа рәисен эзлиләр. Сайлаулар инде башланды, кандидатлардан гаризалар 3-нче августка кадәр кабул ителәчәк. Дәгъвачыларга шәһәрнең транспорт системасын үстерү проектын әзерләргә, проблемаларны һәм аларны хәл итү юлларын билгеләргә кирәк. Кандидатурларны Казан Мэры Илсур Метшин һәм эксперт советы әгъзалары караячак. Үзегезне яңа вазыйфада сынап карарга телисезме? Ул вакытта катнашу өчен тулы шартларны монда укыгыз.

Идея өчен грант

Казанда шәһәр хуҗалыгын үстерүгә юнәлтелгән 20 иң яхшы стартап сайланылачак Проектны эшләүчеләр аларны гамәлгә ашыру өчен 300 мең сумга кадәр акча алачак. Конкурс ике этапта узачак: Бөтен нечкәлекләрне сылтама буенча укыгыз.

Санлы революция

Эшмәкәрләр өчен яхшы яңалык – Казанда стационар булмаган сәүдә объектларын урнаштыру шартларын гадиләштерделәр. Кабул итү акты хәзер электрон рәвештә алып барылачак, ә комиссия эшкуар мөрәҗәгать иткәннән соң, биш көннән дә соңга калмыйча бер тапкыр җыелачак. Бөтен нечкәлекләр турында монда белергә була.

Урам музыкантларын легальләштерәләр

Казанда мобиль кушымта барлыкка киләчәк, аның ярдәмендә урам музыкантлары, рәссамнар, артистлар урыннар ала, чыгышларының датасын һәм вакытын сайлый алачак. Бүгенге көнгә 35 урын билгеләнгән – шәһәр үзәгендә, парк һәм скверларда, шул исәптән Бауман урамында, Петербург урамы, Совет мәйданы, Горький исемендәге парк, Даурия урамындагы сквер, «Чишмә» скверы, Петров исемендәге парк һәм башкалар. Вакыт узу белән мәйданчыклар урам артистлары чыгышлары өчен барлык кирәк-яраклар белән җиһазландырылачак дип көтелә. Тиешле карар чыкканнан соң кертелә торган кагыйдәләрне монда укыгыз.

Экологик сәфәр

Бу атнада Казан урамнарына тест режимында беренче электробус чыкты. Ул 3-нче номерлы троллейбус маршруты буенча, «Елга порты» тукталышыннан алып Академик Глушко урамына кадәр йөри. Электробус цифрлы прибор панеле, климат-контроль һәм видеокүзәтү системасы белән җиһазландырылган, анда ике катлы пыяла пакет урнаштырылган. Экотранспортта беренчеләрдән булып Казан Мэры Илсур Метшин йөрде. Моның ничек булганы турында монда укыгыз.

Шулай ук укыгыз

Барлык яңалыклар