Казанда атнаның топ-10 яңалыгы: яшьләрнең яңа лидеры, архитектура конкурсы нәтиҗәләре һәм этләрне бушлай стерильләштерү

<h1></h1> <div> </div> <img src="https://kzn.ru/upload/iblock/237/DSC_9106_870.jpg"> <div class="detail-picture"> <p class="detail-picture__caption"> Фото: Казан шәһәре KZN.RU </p> </div> <p> (Казан шәһәре KZN.RU, 2-нче июль). Казанда су коену сезонына беренче нәтиҗәләр ясадылар, шәһәр Мэры Илсур Метшин халыкара архитектура конкурсында җиңүчеләрне игълан итте, ә Башкарма комитетта балалар һәм яшьләр эшләре комитеты рәисе вазыйфасына кандидатлар сайлап алуны төгәлләделәр. Узып баручы атнаның төп яңалыклары турында – KZN.RU порталы материалында. </p> <h3>Пляж сезоны</h3> <p> Эсселәр башлану белән плялар казанлылар белән тулды. Нәтиҗәдә – кешеләр үлеменә китергән 8 бәхетсезлек очрагы. Гражданнарны яклау идарәсе башлыгы Фердинант Тимурханов сүзләренчә, коткаручылар барлык рәсми пляжларда һәм сулыкларда ял итү мәйданчыкларында куелган, әмма, кагыйдә буларак, фаҗигаләр урыннарда коену өчен җиһазландырылмаган урыннарда була. Шуңа бәйле рәвештә шәһәр Мэры казанлыларны сак булырга һәм куркынычсызлык чараларын үтәргә <a href="https://kzn.ru/meriya/press-tsentr/novosti/ilsur-metshin-prizval-kazantsev-k-ostorozhnosti-vo-vremya-otdykha-na-vode/" target="_blank">чакырды</a>.  </p> <h3>Бөҗәкләргә каршы көрәш</h3> <p> Казанның Дезинфекция станциясе хезмәткәрләре черкиләрдән 100-дән артык сулыкны эшкәрткән. Исемлеккә, шул исәптән, иң популяр ял урыннары да: Казансу, Идел елгалары, Кабан күлләре керде. Белгечләр шулай ук яшел зоналарны да куркынычсызландырды – анда талпанга каршы эшкәртү узды. Соңгы өч елда Казанда йогышлы авырулар барлыкка килү очраклары <a href="https://kzn.ru/meriya/press-tsentr/novosti/sotrudniki-dezinfektsionnoy-stantsii-kazani-proveli-protivomalyariynuyu-obrabotku-105-gorodskikh-vod/" target="_blank">ачыкланмаган.</a> </p> <h3>Һәркемгә бер эш</h3> <p> Шәһәрдә эшсезләр саны кимеде. Халык мәшгульлеге үзәкләрендә 9 мең 921 кеше теркәлгән. Бу узган ел белән чагыштырганда 2,5 тапкырга кимрәк. Ел башыннан бирле 12 мең мөрәҗәгать итүчедән 11 мең кешесе эш тапкан. Эшкә урнашу күрсәткече 90,6%-ка җитте. Типик эшсезнең портретын Казанның халыкны эш белән тәэмин итү үзәге директоры Тимур Муллин <a href="https://kzn.ru/meriya/press-tsentr/novosti/i-metshin-rynok-truda-v-kazani-postepenno-vykhodit-na-prezhniy-uroven/" target="_blank">тәкъдим итте.</a> </p> <h3> Мәдәни башкала</h3> <p> Шәһәрдә мәдәният учреждениеләренең җәлеп итүчәнлеген арттыра башлаячаклар. Нәкъ менә ничек бу хакта Казан шәһәре Думасының Ратушада узган сессиясендә фикер алыштылар. Өстәмә белем бирү объектлары масштаблы модернизация көтә – якындагы елларда ремонт биш музыка мәктәбендә һәм бер сәнгать мәктәбендә узачак. Моннан тыш, шәһәр китапханәләре үз брендын <a href="https://kzn.ru/meriya/press-tsentr/novosti/i-metshin-o-razvitii-uchrezhdeniy-kultury-samoe-vremya-pereosmyslit-nashi-tseli-i-zadachi/" target="_blank">булдырачак</a>, ә кайберләре тәүлек буе эшләү режимына күчәчәк. </p> <h3>Үзенчәлекләре булган балалар өчен шартлар</h3> <p> Сәламәтлек мөмкинлекләре чикләнгән балалар спорт комплексларында атнасына берничә тапкыр шөгыльләнәчәк. Алар белән профессиональ тренерлар эшләячәк. Моннан тыш, шәһәрдә инклюзив үзәкләр өчен урыннар сайлыйлар – андыйлар Казанның һәр районында барлыкка киләчәк, дип фаразлана. Шулай ук белгечләр шәһәрнең һәркем файдалана алырлык тирәлеге картасын булдыра – анда сәламәтлеге мөмкинлекләре чикләнгән кешеләр өчен авыр булган урыннар <a href="https://kzn.ru/meriya/press-tsentr/novosti/i-metshin-nasha-zadacha-nauchit-gorozhan-s-ponimaniem-otnositsya-k-lyudyam-s-ogranichennymi-vozmozhn/" target="_blank">чагылдырылачак</a>.  </p> <h3>Яңача демонтаж</h3> <p> Казанда үз белдеге белән билгеләнгән һәм законсыз урнаштырылган күчемле мөлкәтне ачыклау һәм сүтү тәртибе үзгәрәчәк. Агымдагы ел башыннан шәһәр территориясендә 175 стационар булмаган сәүдә объекты сүтелгән, ә дүрт ел эчендә аларның саны 1,5 меңгә җиткән. Әмма аларның барысын да гадиләштерелгән тәртиптә сүтеп булмый: кайбер намуссыз эшмәкәрләр махсус рәвештә эшләр башкару өчен киртәләр тудыра. Яңа кагыйдәләр бу проблеманы<a href="https://kzn.ru/meriya/press-tsentr/novosti/s-nachala-goda-v-kazani-demontirovano-175-nestatsionarnykh-torgovykh-obektov-/" target="_blank"> хәл итәргә тиеш.</a> </p> <h3>Казансуның уң ярын яңарту</h3> <p> Эксперт советы Казансуның уң ярында территорияне үстерүнең иң яхшы концепциясенә халыкара архитектура конкурсына нәтиҗә ясады. Икенче һәм өченче урыннарны жюри берьюлы берничә эшкә бирде, беренчесен күрсәтмәскә карар кылынды – финалдагы 50 проекттан экспертлар 6-ны билгеләп үттеләр. Казансуның уң яры ничек булачагын, инвестор <a href="https://kzn.ru/meriya/press-tsentr/novosti/i-metshin-na-pravom-beregu-kazanki-predstoit-voplotit-proekt-kotoryy-stanet-ukrasheniem-goroda-na-do/" target="_blank">карар кыла</a>: ул тәкъдим ителгән концепцияләрнең берсен сайлый яки берничә идеяне берләштерә алачак.  </p> <h3>Этләрне бушлай стерилизацияләү</h3> <p> Казанны ташландык хайваннарсыз шәһәр итәчәкләр. Казан Мэры кушуы буенча шәһәр бистәләрендә этләрне вакцинацияләү һәм стерилизацияләүнең бушлай мобиль пунктлары эшләячәк. Аларның беренчесе бу шимбәдә үк Совет районының Вознесенское бистәсендә дүрт аяклыларны <a href="https://kzn.ru/meriya/press-tsentr/novosti/v-kazani-otkroetsya-pervyy-mobilnyy-punkt-vaktsinatsii-i-sterilizatsii-sobak/" target="_blank">кабул итә башлаячак.</a> </p> <p> Моннан тыш, Казан Мэры Илсур Метшин үзе йортсыз этләр өчен яңартылган «Зооцентр» приютында булды. Биредә дүрт аяклылар өчен вольерлар белән җылытыла торган корпус төзелгән, манеж төзелә, шулай ук җылы идәнле карантин блогы барлыкка киләчәк. Хәзер приютта 700 эт <a href="https://kzn.ru/meriya/press-tsentr/novosti/i-metshin-my-stavim-pered-soboy-zadachu-sdelat-kazan-gorodom-bez-broshennykh-zhivotnykh/" target="_blank">бар</a>.  </p> <h3>Яшьләрнең яңа лидеры</h3> <p> Шәһәр балалар һәм яшьләр эшләре комитеты рәисе вазыйфасына кандидатлар сайлау тәмамланды. 33 яшьлек Казан эшмәкәре, блогер һәм телевидение алып баручысы Минтимер Ногманов җиңү яулады. Сайлап алу берничә этапта узды, финалда 6 кандидат көрәште – аларның һәркайсы яшьләр сәясәтен үстерү концепциясен <a href="https://kzn.ru/meriya/press-tsentr/novosti/predsedatelem-komiteta-po-delam-detey-i-molodezhi-ispolkoma-kazani-stal-mintimer-nugmanov/" target="_blank">тәкъдир итте.</a> </p> <p>   </p>

2021-07-02T17:41:43+0300