Тинчурин театры 88 нче сезонын «Ал яулык, зәңгәр шәл» операсы премьерасы белән ябачак

Тинчурин театры 88 нче сезонын «Ал яулык, зәңгәр шәл» операсы премьерасы белән ябачак

<p> </p> <div class="detail-picture"> <img src="https://kzn.ru/upload/iblock/543/Umay-870.jpg"> <p class="detail-picture__caption"> Фото: Тинчурин театры матбугат хезмәте </p> </div> <p> (Казан шәһәре KZN.RU, 28 нче июнь). Кәрим Тинчурин исемендәге драма һәм комедия театры 88 нче театр сезонын «Ал яулык, зәңгәр шәл» операсы премьерасы белән ябачак. Куелыш – «Умай» хатын-кызлар лабораториясе эшчәнлеге нәтиҗәсе. </p> <p> Опера өч акттан тора. Беренче операның сюжеты – татар мифологиясеннән, икенчесе узган гасыр башындагы, ягъни җәдитчелек чорындагы татарларның тормыш-көнкүрешеннән алынган, өченче операда исә хәзерге заманның көрәшче хатын-кызларының язмышы чагыла. </p> <p> «Умай» опера лабораториясенең кураторы, Тинчурин театры баш режиссеры Туфан Имаметдинов фикеренчә, операның исеме татар традицияләре, моң һәм хатын-кызны чагылдырган «яулык», «шәл» белән бәйләнгән. </p> <p> Опера актларының берсе мәгариф, мәктәп системасына, традицияләрне саклауга багышланган.  «Мәктәпләрнең башлангыч сыйныфларында да хатын-кыз укытучылар укыта. Алар балаларны кулларыннан җитәкләп йөртәләр һәм дөнья белән үз призмалары аша таныштыралар, - дип сөйли баш режиссер. - Алар тәрбиялиләр, белем бирәләр, тарихны мәдәниятне саклап калган хәлдә тәкъдим итәләр. Һәркайсының тормышка карата үз карашлары һәм үз концепциясе бар, шуңа күрә төрле ситуацияләрдә калганда да, һәрберсе үзләрен төрлечә тота». </p> <p> Операның барлык авторлары – шагыйрәләр, драматурглар һәм композиторлар – хатын-кызлар: Алсу Сөнгатуллина, Алинә Кәримова, Анастасия Костюкова. Рәссам – Лилия Имаметдинова. Операның режиссерлары исә ир-егетләр – Илнур Гарифуллин, Камил Гатауллин, Булат Минкин, Рамил Камалов.  Операдагы музыка өчен театрның музыкаль җитәкчесе һәм оркестр дирижеры Ильяс Камалов, ә хореография өчен Марсель Нуриев җавап бирә. </p> <p> Операга Тинчурин театры артистлары җәлеп ителгән: Татарстанның халык артисткасы Зөлфия Вәлиева, Татарстанның атказанган артистлар Лилия Мәхмүтова белән Ренат Шәмсетдинов, Тинчурин театрының әйдәп баручы артистлары Резедә Сәләхова һәм Артем Пискунов, Айсылу Мөсәлләмова, Илнур Байназаров һәм Венера Низамова. </p> <p> Әйтергә кирәк, «Умай» – татар театры тарихында беренче хатын-кызлар лабораториясе. Ул ТР Мәдәният министрлыгы тарафыннан оештырылган һәм борынгы заманнарда төрки халыклар данлаган Умай хатын-кызлар мифик көче исеме белән аталган. </p> <p> Опера премьерасы 30 нчы июньдә булачак. Башлана – 18:30 да, керү – билетлар буенча. </p>

2022-06-28T11:44:00+0300