Вакцина турындагы телеграм-боттан 10 мең казанлы файдаланган

Гомумән алганда, кулланучылар ботта 78 мең минут чамасы вакыт уздырган.

Фото: Денис Гордийко

(Казан шәһәре KZN.RU, 3-нче ноябрь). Татарстан башкаласы Мэриясе һәм ТР Сәламәтлек саклау идарәсе тарафыннан эшләнгән вакцинация турындагы телеграм-ботның эшләве дәверендә 6 көн эчендә сервистан 10 мең уникаль кулланучы файдаланган. Гомумән алганда, кулланучылар ботта 78 мең минут чамасы уздырган.

Шушы вакыт эчендә 26 мең сеанс теркәлгән. Уртача алганда бер кулланучының сеансы 3 минут дәвам итә. Әгәр казанлылар вакцинация турындагы мәгълүмат алу өчен телефоннан мөрәҗәгать итсә, аларга җавап бирү өчен бер белгечтән 9 ай вакыт таләп ителер иде, бу 7 нәтиҗәле эш сәгате булган очракта.

Исегезгә төшерәбез, телеграм-бот ярдәмендә теге яки бу вакцинаның конкрет прививка пунктында булу-булмавын оператив рәвештә белеп була. Мәгълүмат һәр иртә саен яңартыла, 8:00 сәгатьтә вакцинаның бармы яисә юкмы икәне турында күрсәтелә. Ботны тоташтыру өчен, «Телеграм» мессенджерына кереп, эзләнүдә @VaccinationKazanBot дип җыярга һәм start ка басарга кирәк.

Коронавируска каршы прививканы поликлиникаларда гына түгел, ә вакцинациянең мобиль пунктларында да ясатырга мөмкин. Алар мәдәният учреждениеләрендә, сәүдә үзәкләрендә, кредит оешмаларында һәм башка урыннарда урнашкан. Адреслары һәм аларның эш режимы KZN.RU порталында бастырылган.

Шулай ук укыгыз

Барлык яңалыклар