“МЧС” торак комплексында 5 номерлы йортның техник әзерлеге 94% тәшкил итә

“МЧС” торак комплексында 5 номерлы йортның техник әзерлеге 94% тәшкил итә

<p> (Казан шәһәре KZN.RU, 10-нчы июль). Татарстан Республикасы Премьер-министры Алексей Песошин бүген Казанда өлешләп төзелә торган проблемалы йортлар хәле белән танышты. Киңәшмәдә Казан Башкарма комитеты җитәкчесенең беренче урынбасары Азат Нигъмәтҗанов белән берлектә әлеге йорлар төзелешен тәмамлауны хәл итү өчен башкарыла торган чаралар турында фикер алыштылар.<br> </p> <p> Беренче булып Әмирхан урамындагы 68-нче кварталның күп фатирлы торак йортын карадылар (төзүчесе “Маг-строй” ҖЧҖ). Алга таба Алга таба Академик Губкин урамындагы “МЧС” торак комплексы төзелешен карадылар һәм аны төгәлләү вариантлары турында фикер алыштылар. Биредәге күп фатирлы йортның техник әзерлеге 94% тәшкил итә. Киңәшмәдә катнашучылар шулай ук шушы торак комплекстагы 2, 3, 4 номерлы йортлар һәм Павлюхин урамында урнашкан “Симфония” торак комплексындагы 4 номерлы йорт төзелеше хакында фикер алыштылар. </p> <p> Чарада ТР прокуроры Илдус Нәфиков, ТР Премьер-министрының беренче урынбасары Рөстәм Нигъмәтуллин, ТР төзелеш, архитектура һәм ТКХ министры урынбасары Илшат Гыймаев һ.б. катнашты, дип хәбәр итә ТР Президенты матбугат хезмәте. </p> <p> ТР Төзелеш, архитектура һәм ТКХ министрлыгы мәгълүматлары буенча, 2017 елда Казанда 1004 өлешче өчен 6 объект эксплуатациягә тапшырылган, ә 2018 елда 72 өлешче өчен “МЧС” торак комплексының “Г” блогы тапшырылган. </p>

2018-07-10T19:47:37+0300