«Тау фест»: «Елмай» паркында Гаилә китап фестивале узачак

Программада: «Смешарики»ны иҗат итүчеләр белән очрашу, лекцияләр һәм мастер-класслар

«Елмай» балалар паркында 30 һәм 31 августта «Тау фест» Гаилә китап фестивале узачак. Шәһәр халкын китап ярминкәсе, язучылар, сәяхәтчеләр, «Смешарики» мультфильмын иҗат итүчеләр белән очрашулар, лекторийлар, шулай ук мастер-класслар һәм өстәл уеннары көтә.

Китап фестивале Россиянең танылган язучылары белән очрашулар белән тулыланачак. Әдәби чарада балалар язучылары һәм шагыйрьләре Андрей Усачев, Галина Дядина, Наталия Волкова һәм яшь язучы Ася Лавринович катнашачак.

«Россиянең күренекле сәяхәтчесе» титулы иясе Евгений Ковалевский һәм фотожурналист Юрий Феклист та фестивальнең мактаулы кунаклары булачак. Аеруча игътибарны «Смешарики» мультсериалын иҗат итүчеләр Мария Корнилова һәм Константин Ушаков җәлеп итәчәк.

Бу чара белән беррәттән зур китап ярминкәсе, мастер-класслар, өстәл уеннары һәм «Китап һәм иҗат өлкәләре» дип аталган лекция узачак, аларны Иҗат сәнәгате федерациясе Генераль директоры Игорь Намаконов һәм иҗади агентлыкка нигез салучы Елена Гребенева үткәрәчәк.

Музыкаль озата баруны Казанның La Primavera камера оркестры тәэмин итәчәк.

Фестивальгә кушылырга теләүчеләрнең барысын да чакыралар. Чара 30 августта 11:00 дән 22:00 гә кадәр һәм 31 августта 11:00 дән 18:00 гә кадәр узачак.

Исегезгә төшерәбез, Шәһәр һәм Республика көнендә, 30 августта, халыкны зур бәйрәм программасы көтә, аңа «Урам» музыка фестивале, «Уйнагыз гармун» халык бәйрәме, «ТауФест» гаилә китап фестивале, ат спорты бәйрәме, «Казан көзе» опера фестивале, шулай ук Турецкий хоры, Татьяна Буланова чыгышлары һәм башкалар керә.

Шулай ук укыгыз

Барлык яңалыклар