Татарстанлылар 2 меңнән артык балага мәктәпкә әзерләнергә ярдәм итте

Балалар букчалар, мәктәп формасы һәм канцтоварлар сатып алуга бүләк сертификатларын алдылар.

(Казан шәһәре KZN.RU, 12-нче июль). Татарстанда «Мәктәпкә җыенырга ярдәм ит» хәйрия акциясе дәвам итә. Республика халкы авыр тормыш хәлендә калган балаларгга ярдәм итә һәм аларга яңа уку елына әзерләнергә булыша. Бүгенге көндә 2 меңнән артык бала ярдәм алган, алар арасында булачак беренче сыйныф укучылары һәм 2-11 сыйныф укучылары да бар.

Балаларга букчалар, мәктәп формасы һәм канцтоварлар сатып алу өчен бүләк сертификатлары тапшырдылар. Быел барлыгы 7,5 меңнән артык беренче сыйныф укучысы һәм 2-11 сыйныфларда укучы 20 меңгә якын бала хәйрия ярдәменә мохтаҗ.

Матди ярдәмнән тыш, акция кысаларында өстәмә белем бирү, мәдәният һәм спорт учреждениеләре, волонтерлар һәм балалар иҗтимагый оешмалары әгъзалары балалар өчен бәйрәм чаралары, концертлар, спектакльләр, күргәзмәләр, ярышлар һәм флешмоблар үткәрәләр.

Акцияне Казан, шулай ук Әгерҗе, Әлки, Апас, Бөгелмә, Кайбыч, Түбән Кама һәм Тукай районнары халкы актив хуплады.

1-нче августта акциянең икенче этабы старт ала, дип хәбәр итә ТР Мәгариф һәм фән Министрлыгы матбугат хезмәте.

Шулай ук укыгыз

Барлык яңалыклар