Татарстанлыларга Россия ишегаллары тарихы турында сөйләячәкләр

Онлайн-лекцияне архитектура тарихчысы Денис Ромодин үткәрәчәк.

(Казан шәһәре KZN.RU, 23-нче апрель). 24-нче апрельдә Россия ишегалларының мәдәниятенә һәм тарихына багышланган белем бирү чаралары башлана. Татарстанлылар өчен беренче онлайн-лекцияне архитектура тарихчысы, Мәскәү музееның өлкән фәнни хезмәткәре һәм МАРШ Архитектура мәктәбе укытучысы Денис Ромодин үткәрәчәк. Youtube-каналда Җәмәгать киңлекләрен үстерү программасының туры эфирында теләгән һәркем лекцияне тыңлый һәм белгечкә үз сорауларын бирә алачак.

Денис Ромодин XIX гасырдан алып хәзерге вакытка кадәр иҗтимагый тормышта ишегалды роленең ничек үзгәрүе турында сөйли. Лекциянең модраторы Татарстан Президенты ярдәмчесе Наталия Фишман-Бекмамбетова булачак, дип хәбәр итә «Татмедиа» республика агентлыгы. Россия ишегаллары тарихы турында лекция 17.00 сәгатьтә башлана. Ул «Безнең ишегалды» республика программасы кысаларында белем бирү эфирлары сериясендә беренчесе булачак.

Искәртеп узабыз, 2019 елда Татарстан ишегалларын төзекләндерү буенча масштаблы программаны Татарстан Республикасы Президенты Рөстәм Миңнеханов башлап җибәрде. Ул 5 ел дәвамында, 2020 елдан 2024 елга кадәр гамәлгә ашырылачак. «Безнең ишегалды» программасы буенча ишегалларын төзекләндерү барышында юлларны һәм тротуарларны ремонтлау, тышкы яктырту, эскәмияләр һәм чүп савытларын, өслекле балалар җиһазларын, каты көнкүреш калдыклары өчен мәйданчыклар урнаштыру һәм өлешчә яшелләндерү кебек эшләр планлаштырылган.

Республика халкыннан рограмманы гамәлгә ашыруның барышы турында мөрәҗәгатьләр һәм сораулар +7(800)275-20-20 һәм dvor.tatar сайтында кабул ителә.

Шулай ук укыгыз

Барлык яңалыклар