Татарстан спортчысы Данил Садриев Пекиндагы Олимпиадада көмеш медаль яулады

Спортчы Россия Олимпия комитеты командасы составында трамплиннан сикерү буенча чыгыш ясады.

Фото: instagram.com/olympic_russia

(Казан шәһәре KZN.RU, 7 нче февраль). Бүген Пекиндагы Олимпия уеннарында трамплиннан сикерү буенча катнаш командалар ярышлары узды. Республика халкы өчен төп яңалык Россия Олимпия комитеты командасының көмеш медале булды, аның составында 18 яшьлек Лениногорск егете Данил Садриев чыгыш ясады.

Россия спортчылары 890,3 балл җыйды. Алар бары тик Словения җыелмасына гына оттырды, ә Канада җыелмасын уздырды. Татарстанлыдан тыш, Россия Олимпия комитеты командасы составында Ирма Махиня, Ирина Аввакумова һәм Евгений Климов чыгыш ясады.

Шулай ук укыгыз

Барлык яңалыклар