Татарстан шахматчылары онлайн режимда турнирлар үткәрә

Татарстан шахматчылары онлайн режимда турнирлар үткәрә

<p> <img width="870" src="https://www.kzn.ru/upload/iblock/d7b/DEN_6204.jpg" height="653"><br> </p> <p> (Казан шәһәре KZN.RU, 22-нче апрель). Татарстан спортчылары үзизоляция режимында онлайн форматта шахмат турнирларында катнаша. Моның өчен махсус «Коронавирус-стоп!» онлайн-матчлары циклы уздырыла, һәр уенда республиканың төрле шәһәрләреннән һәм торак пунктларыннан йөзгә якын кеше катнаша. </p> <p> Беренче интернет-турнир 12-нче апрельдә булды, ә киләсе онлайн-матч 23-нче апрельгә планлаштырылган. Уен 20.00 сәгатьтә <a href="https://www.chess.com/live#t=1198050" target="_blank">сайтта</a> башлана, катнашучыларны теркәү 19.00 сәгатьтә старт ала. </p> <p> Апрельдә 3 турнир узды инде, ай ахырына кадәр тагын 2 турнир узачак. Ярышлар «блиц» спорт дисциплинасында уздырыла, аларның һәркайсының приз фонды 10 мең сум тәшкил итә. </p> <p> Турнирларда яшь чикләүләре юк, шуңа күрә һәр турнирда төп призлардан тыш, ветераннар, хатын-кызлар, 14 яшькә кадәрге балалар арасында махсус призлар каралган. </p> <p> Май аенда шахматчылар республиканың әйдәп баручы гроссмейстерлары катнашында үзгәртелгән форматта уйнаячаклар, дип хәбәр итә ТР Спорт министрлыгы матбугат хезмәте. Ярышлар җәдвәлен <a href="http://www.tat-chess.ru/" target="_blank">ТР шахмат федерациясе</a> сайтында күзәтергә мөмкин. </p>

2020-04-22T16:44:25+0300