Татарстан ландшафт архитектурасы буенча милли премиянең абсолют җиңүчесе булды

Гран-прины 5 гектардан артык мәйданда иң яхшы гамәлгә ашырылган иҗтимагый киңлек объекты буларак Кабан күле яр буе алды.

Фото: Марат Мугинов

(Казан шәһәре KZN.RU, 22-нче декабрь). Татарстан төбәкләр арасында ландшафт архитектурасы буенча XI Россия милли премиясенең абсолют җиңүчесе булды. Республикага гран-при һәм шулай ук Казанда гамәлгә ашырылган төрле проектлар өчен 13 диплом бирелде. Конкурска республикадан барлыгы 19 проект тәкъдим ителде.

Мәсәлән, Кабан күле яр буе 5 гектардан артык мәйданда иң яхшы гамәлгә ашырылган объект буларак гран-при алды. Проект шулай ук «Иң яхшы тормышка ашырылган экологик, инженерлык дизайны объекты» номинациясендә җиңүче булды. «Иң яхшы тормышка ашырылган мәдәни һәм тарихи мирас объекты, бакча- парк сәнгате һәйкәлләрен торгызу» номинациясендә Аккош күле урман-паркы күлләрен төзекләндерү һәм экореабилитацияләү проектлары да алтын дипломнар белән билгеләп үтелде. Моннан тыш, «Елның иң яхшы компаниясе» номинациясендә Казан Мэриясе каршындагы иҗади төркем җиңүче булды, ә «Елның иң яхшы вакыйгасы» World Urban Parks бөтендөнья конгрессы танылды.

Көмеш диплом белән «Дан аллеясы» скверын һәм Тимер юлчылар мәдәният йорты каршындагы «1 гектардан артык мәйданда торак мохитне комплекслы төзекләндерүнең иң яхшы тормышка ашырылган объекты» номинациясендә комплексны төзекләндерү проекты билгеләнде.

XI Россия ландшафт архитектурасы буенча милли премиясе Россия Федерациясе территориясендә соңгы 5 елда башкарылган иң яхшы проектлар һәм объектлар өчен бирелә. Премия ландшафт архитектурасы, бакча-парк сәнгате, ландшафт төзелеше, төзекләндерү һәм яшелләндерү өлкәсендә милли әһәмияткә ия югары Россия профессиональ бүләге статусына ия. Премия Россиянең ландшафт архитекторлары ассоциациясе тарафыннан Россия Архитекторлар берлеге һәм Мәскәү архитекторлары берлеге белән берлектә гамәлгә куелган. Быел конкурсның оештыру комитетына Россия территориясендә эшләүче Россия һәм халыкара компанияләрдән 102 гариза кергән.

Премия 21 номинация буенча бирелә, шул исәптән гамәлгә ашырылган иҗтимагый киңлекләр һәм аларның проектлары, социаль билгеләнештәге ландшафт архитектурасы объектлары, шәһәр территориясен комплекслы бизәү, ут дизайны, шәһәр төзелеше карарлары һәм концепцияләре, экологик һәм инженерлык дизайны проектлары һәм башкалар өчен. Һөнәри жюри эшләрнең шәһәр төзелеше, табигать, шулай ук функциональ ситуациягә туры килүен бәяли. Аның әһәмияте архитектура-планлаштыру чишелеше, үсемлек компонентларын сайлап алу сыйфаты, эшләр башкаруның сыйфаты, объектны тәкъдим итү, дип хәбәр итә Татарстанның җәмәгать урыннарын үстерү программасы матбугат хезмәте.

Шулай ук укыгыз

Барлык яңалыклар