Tatarka һәм Tesla boy Казанда «Вместе просто» беренче гаилә экофестивалендә чыгыш ясаячак

«Аккош» урман-паркында шәһәр халкын мастер-класслар, экскурсияләр һәм фәнни лекторийлар көтә

Казанның «Аккош» урман-паркында 10 августта «Вместе просто» гаилә экофестивале узачак. Монда интерактив формада «Казаноргсинтез» һәм башка шәһәр лидерларының экологик мәгариф һәм икенчел эшкәртү өлкәсендәге проектларын тәкъдим итәчәкләр.

10 гектар мәйданда экологик гадәтләрне үстерү буенча 30 дан артык активлык җәелдереләчәк, шул исәптән фотография, граффити һәм синтез буенча мастер-класслар, экосукмак буенча экскурсияләр, китап фестивале һәм фәнни лекторий. Шул ук вакытта урман паркында гастромаркет, сапбордлар зонасы һәм күңел ачу станцияләре оештырылачак.

Фестиваль барышында кунакларны концерт программасы озата барачак, аның хедлайнерлары Tatarka җырчысы һәм Tesla boy төркеме булачак. Сәхнәгә шулай ук Fauzia һәм «Дышать» җирле башкаручылары, Мalika, BubbleGum һәм Solman диджейлары күтәреләчәк.

Экофестиваль «Сабантуй» мәйданчыгында 13:00 тән 21:00 сәгатькә кадәр барачак. Барлык теләүчеләр өчен керү ирекле, дип хәбәр итә оештыручылар.

Вакыйганы шәһәр мэриясе ярдәмендә «Казаноргсинтез» оештыра.

Шулай ук укыгыз

Барлык яңалыклар