4,1 меңнән артык кеше Казансу яры буендагы балалар паркы исеме өчен тавыш бирде

Сораштыру 11 июльгә кадәр KZN.RU порталында үткәрелә

Казансу яры буенда ачылачак балалар паркы исеме өчен тавыш бирүдә 4,1 меңнән артык кеше катнашты. Ошаган вариантны сайларга яки үзеңнекен 11 июльгә кадәр тәкъдим итәргә мөмкин.

Татарстан башкаласы мэриясе уздырган сораштыруда биш исем бирелгән:

«Су баласы» – Габдулла Тукайның мәшһүр «Су анасы» әсәре исеме белән аваздаш булган сүзләр уены;

«Юл(а)» – юл, юнәлеш һәм максатчанлык, шулай ук сүзләр уены;

«Елмай» –- балалар елмаюы белән бәйле шатлык һәм эчкерсезлек;

«Уен» – парклар мәйданчыгы балалары өчен һәрвакыт уен белән бәйле;

«Әйдә парк/Әй-Дә парк!» – иң шәп парк.

Исемлек халык фикерләре нигезендә формалаштырылды – шәһәрлеләр Вахитов һәм Идел буе районнары администрациясе башлыгы Альберт Салиховның социаль челтәрләрдә үз вариантларын тәкъдим иттеләр. Шәһәр активистлары, рәссамнар һәм төрле инсталляцияләр авторлары да мөмкин исемнәр әйттеләр. Казан дәүләт архитектура-төзелеш университеты студентларының, ТР башкаласында яшь кешеләрнең, шул исәптән «АрхиДети» проектында катнашучыларның тәкъдимнәре исәпкә алынды.

Исегезгә төшерәбез, балалар паркын шәһәр һәм республика көненә төзиячәкләр. Иҗтимагый киңлек Татарстанда иң зурысы булачак. Анда уеннар һәм ял итү зоналары, күпфункцияле павильон һәм фонтан, вакыйга мәйданчыгы, кафе һәм шәһәрдә беренче табигый лабиринт җиһазландырылачак.

Шулай ук укыгыз

Барлык яңалыклар