Своп, экотоварлар, фотозона һәм скетч-очрашу: «Черек күл» паркында чәчәкләр фестивале узачак

Лекцияләрдә шәһәр халкы үсемлекләрнең билгеле булмаган сәбәпләр аркасында шиңүе һәм минерал туфракны ничек әзерләү турында беләчәк

Иртәгә Казанда чәчәк фестивале узачак. Ул «Черек күл» паркында булачак.

Чарада үсемлекләрне үстерү өчен кирәкле товарларны сатып алырга мөмкин. Мәсәлән, кашпо, чүлмәк, туфрак һәм ашлама һ.б. Ассортиментта йорт өчен бизәү әйберләре, хуш исле майлар һәм косметика булачак.

Кунаклар өчен чәчәкләр җыелмасы, эшкәртү өчен вак ташлар һәм комнар җыю, «Экологично» проектыннан экотоварлар, рәсем ясарга яратучылар өчен скетч-очрашу һәм фотозона оештырыла.

Шәһәрлеләр шулай ук лекцияләргә кушыла ала. 13:00 сәгатьтә Ксения Занина «Чәчәкләр шиңүенең билгеле булмаган 10 сәбәбе» темасына чыгыш ясаячак. Руслан Арсланов минерал туфракны әзерләү турында 14:30 сәгатьтә сөйләячәк. Ә 16:00 сәгатьтә Дәринә Садыйкова «Фитодизайнның экзотик формалары» лекциясе белән чыгыш ясаячак.

Казанның парк һәм скверлар дирекциясе хәбәр итүенчә, фестиваль 12:00 дән 20:00 сәгатькә кадәр пергола һәм парк амфитеатрында булачак. Чарага керү ирекле.

Шулай ук укыгыз

Барлык яңалыклар