Казанда чирәмдәге хоккей буенча Россия суперкубогы уйнатыла

Трофей өчен ил чемпионаты җиңүчесе һәм РФ кубогы иясе көрәшәчәк.

(Казан шәһәре KZN.RU, 23-нче апрель). 27-нче апрельдә Казанда Чирәмдәге хоккей үзәге кырында ир-атлар һәм хатын-кызлар арасында чирәмдәге хоккей буенча суперкубок матчлары узачак.

Трофей өчен ил чемпионаты җиңүчесе һәм Россия кубогы иясе көрәшәчәк. Беренче суперкубок иясе ир-атлар һәм хатын-кызлар командалары арасында бердәнбер матчта билгеләнә.

«Динамо-Казан» һәм «Динамо-Электросталь» ирләр клублары арасында Россия Суперкубогы өчен көрәш 15.00 сәгатьтә, «Динамо-Гипронииавиапром» (Казан) һәм «Динамо-ЦОП Москомспорт» (Мәскәү) хатын-кызлар клублары арасында 17.00 сәгатьтә башлана.

Ә 29-нчы апрельдән 6-нчы майга кадәр Чирәмдәге хоккей үзәге кырында ир-атлар һәм хатын-кызлар арасында Россия кубогы уеннары башланачак, дип хәбәр итә ТР Спорт министрлыгы матбугат хезмәте.

Шулай ук укыгыз

Барлык яңалыклар