#НаМетле шимбә өмәләре Казанның Киров һәм Мәскәү районнарында узачак

Барлык мәйданчыкларда да бәйгеләр һәм активлык оештырылачак, ә иң аерылып торган катнашучыларны бүләкләр көтә.

(Казан шәһәре KZN.RU, 9-нчы апрель). Казанның Киров һәм Мәскәү районнарында #НаМетле һөнәри өмәләр эстафетасы башланып китте.

Актив казанлыларны 13-нче апрельдә түбәндәге адреслар буенча йорт ишегаллары территорияләрен җыештырырга чакыралар: Чкалов ур., 4, Декабристлар ур., 112 һәм 183. 17-нче апрельдә шимбә өмәсе «Тәбриз» скверында һәм Серов урамындагы күлдә узачак. 20-нче апрель - Бишбалта бистәсендә: Балыкчы бакчасында һәм Минусинск урамы буенча 1-нче номерлы йорт һәм Клара Цеткин урамы буенча 11-нче номерлы йорт ишегалларында. 24-нче апрельдә шәһәрлеләр Юдинода, 27-нче апрельдә паркларда, 15-нче майда – Жилплощадка микрорайонында, Төньяк вокзалда һәм Левченко торак массивында, ә 18-нче майда Изумрудное күлендә, Нижнезареченск һәм Киров дамбаларында чистарту эшләрен алып барачаклар.

Барлык өмәләр дә 9.00 сәгатьтә башлана. Район хакимияте барлык халыкны, иҗтимагый оешмаларны, предприятие һәм оешмаларны өмәләрдә катнашырга чакыра һәм барлык мәйданчыкларда да конкурслар һәм активлык оештырылачак, ә иң аерылып торган катнашучыларны бүләкләр көтә, дип билгеләп үтә.

Шулай ук укыгыз

Барлык яңалыклар