КФУ студенты Динә Юнысова «Россия студентлары миссы һәм мистеры» конкурсында катнашачак

Казанлылар социаль челтәрләрдәге интернет-тавыш бирүдә катнашып, Татарстан вәкиленә ярдәм итә алачак.

Фото: КФУ матбугат хезмәте

(Казан шәһәре KZN.RU 16-нчы ноябрь). Казан федераль университеты юридик факультетының икенче курс студенты Динә Юнусова «Россия студентлары миссы һәм мистеры – 2021» XV Бөтенроссия интеллект, иҗат һәм спорт конкурсында катнашачак. Ул 16-23-нче ноябрьдә Мәскәүдә узачак. Конкурста 40 төбәктән 18 яшьтән 26 яшькә кадәрге 100 егет һәм кыз катнашачак.

Конкурс берничә этаптан торачак: тәкъдир итү, интеллектуаль, иҗади, спорт һәм дефиледан.

Конкурста җиңүчеләрне «Россия студентлары миссы – 2021», «Россия студентлары мистеры – 2021» номинацияләрендә сайлаячаклар. Моннан тыш, биш номинациядә иң яхшыларны аерып алачаклар: «Мисс һәм мистер интеллект», «Иң иҗади мисс һәм мистер», «Мисс грация», «Мистер спорт», «Халык мәхәббәте».

Соңгы номинациядә җиңүчеләрне интернет-тавыш бирү юлы белән тамашачылар билгеләячәк. Казанлылар, социаль челтәрдә аның өчен тавыш биреп, Динә Юнысовага ярдәм итә ала. Биредә үк 22-нче ноябрь көнне 17:00 сәгатьтә гала-концертның туры трансляциясе узачак, анда конкурста җиңүчеләрнең исемнәре игълан ителәчәк, дип хәбәр итә КФУ матбугат хезмәте.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар