Казан студенты XVIII Халыкара яшьләр стандартлары олимпиадасында Россияне тәкъдим итәчәк

Моңа кадәр Данил Буртов Түбән Новгородта яшьләр стандартлар олимпиадасының финалисты булган иде

Фото: vk.com/mck_ktits

(Казан шәһәре KZN.RU, 26 нчы май). Түбән Новгородта Стандартлар яшьләр олимпиадасының финал этабы тәмамланды, анда Россиянең 18 төбәгеннән 34 катнашучы җыелды. Татарстаннан Казан мәгълүмат технологияләре һәм элемтә техникумының халыкара компетенцияләр үзәге студентлары Латыйфа Гыйләҗева һәм Данил Буртов чыгыш ясады.

Катнашучыларга ике бирем – шәхси язма һәм команда биремен үтәргә, шулай ук жюрига алар эшләргә тәкъдим иткән яңа халыкара стандартлар проектларын тәкъдим итәргә туры килде, дип хәбәр итә ТР Цифрлар министрлыгының матбугат хезмәте.

Финалистларның эшләре арасында кәгазьне утильләштерү, туризм буенча хезмәтләр, терлекчелек өлкәсендә азык-төлек иминлеген тәэмин итү, территорияләрне җыештыру буенча мобиль җайланмалар, медицина җиһазлары һәм киемнәрнең үлчәү рәвешен унификацияләү стандартлары булган.

Данил Буртов интеллектуаль ярышларда беренче урынны яулаган. Ул Көньяк Кореяда XVIII Халыкара яшьләр стандартлары олимпиадасында Россия исеменнән чыгыш ясаячак.

Эксперт жюриена Росстандарт һәм аның ведомство карамагындагы оешмалар, Роскачество, балалар товарлары индустриясе предприятиеләре ассоциациясе, Россия яшь инженерлар берлеге вәкилләре кергән, алар биремнәрне чишүгә иҗади якын килүне, креатив фикерләүне, шулай ук тәкъдим ителгән эшләрнең актуальлеген бәяләгәннәр.

Шулай ук укыгыз

Барлык яңалыклар