Стоп-су басу: Казанның Совет районында кондызлар ясаган 13 буа сүтелгән

Стоп-су басу: Казанның Совет районында кондызлар ясаган 13 буа сүтелгән

<p> </p> <div class="detail-picture"> <img src="https://kzn.ru/upload/iblock/c78/c786809112cae7fe105ff8454c51ee0c.jpg"> <p class="detail-picture__caption"> Фото: Марат Мөгыйнов  </p> </div> <p> (Казан шәһәре KZN.RU, 7 нче апрель). Казанның Совет районында су басуга әзерлек сезоны башланганнан бирле 170 проблемалы участокта эшләр башкарылган: кондызлар ясаган 13 буаны сүткәннәр, 246 ауган агачны алганнар һәм 10 км канау казыганнар. </p> <p> Узган елның җәйге-көзге чорыннан башлап волонтерлар һәм идарә ителә торган дрон ярдәмендә Совет районындагы Вертелевка, Нокса һәм Киндерле елгаларының 42 км үзәне тикшерелде, дип хәбәр итә администрациянең матбугат хезмәте.  </p> <p> Мартта Совет районының торак массивларында яшәүчеләрдән барлыгы 22 мөрәҗәгать килгән. Урыннарда эшчеләр су агызу канауларын чистарткан, эрегән һәм яңгыр суларын читкә агызуны тәэмин иткән, шуңа күрә су басу булмый калган.  </p> <p> Район администрациясендә көн саен урам-юл челтәренең торышын күзәтәләр, кайнар линия телефоны эшли: +7(843)223-20-00. </p>

2023-04-07T12:38:28+0300