7 нче июльдә ТР башкаласын һәм аэропортны өстәмә электричкалар тоташтырачак

Шәһәр яны поездлары «Казан Экспо» халыкара күргәзмәләр залында концерт уздыруга бәйле рәвештә билгеләнә

7 июль, якшәмбе көнне, Татарстан башкаласыннан аэропортка өстәмә шәһәр яны поездлары җибәреләчәк. Бу «Казан Экспо» халыкара күргәзмәләр залында концерт уздыру белән бәйле.

7602 номерлы электричка Казан станциясеннән 13:56 сәгатьтә кузгала һәм Аэропорт станциясенә 14:22 сәгатьтә килеп җитә. Кире юнәлештә пассажирлар 7603 номерлы состав белән 19:47 сәгатьтә китә алачак. ТР башкаласында ул 20:13 сәгатьтә булачак.

«Поездлар тукталышларсыз барачак», – дип хәбәр иттеләр «Содружество» АҖ матбугат хезмәтендә.

Барлык маршрутлар буенча тулырак мәгълүмат белән +7(937)625-04-33 телефоны буенча (шалтыратулар тәүлек әйләнәсе кабул ителә), шәһәр яны пассажирлар компаниясе сайтында яки «РЖД Пассажирам» мобиль кушымтасында танышырга мөмкин.

Шулай ук укыгыз

Барлык яңалыклар